وسىنداي كولىكپەن باراتىن جەرىڭىزگە ۇيىقتاپ باراسىز، ونى روبوت باسقارادى
استانا. قازاقپارات - جۇرگىزۋشىسى جوق تولىق اۆتونومدى روبوتاكسيلەر بىرنەشە ەلدە سىناقتان وتكىزىلۋدە. كوشتىڭ باسىندا - كاليفورنياداعى سان- فرانتسيسكو قالاسى.
Reuters اگەنتتىگى Alphabet كومپانياسى ءوزىنىڭ Waymo روبوتاكسيلەرىنە Hyundai Motor ونىمدەرىن قوساتىنىن جاريالادى. مۇنداي قادامنىڭ سەبەپتەرىن Aikyn.kz وسى ماتەريالعا سۇيەنىپ تالدايدى.
Alphabet ءوزىنىڭ Waymo كومپانياسىنداعى روبوتاكسي پاركىن Hyundai ەلەكتروموبيلدەرىمەن كەڭەيتەتىنىن مالىمدەگەن. 4-قازاندا Waymo امەريكا قۇراما شتاتتارىنداعى قىزمەتىن كەڭەيتىپ جاتقاندىقتان، روبوتاكسي پاركىن تولىقتىراتىنىن حابارلاعان.
Hyundai-دىڭ دجوردجياداعى زاۋىتىندا جينالعان جانە Waymo-نىڭ اۆتونومدى جۇرگىزۋ تەحنولوگياسىمەن جابدىقتالعان IONIQ 5 جول تالعامايتىن كولىكتەرىنىڭ سىناعى 2025 -جىلدىڭ سوڭىنا قاراي باستالاتىنى ايتىلدى.
بۇگىندە Waymo-نىڭ 700-گە جۋىق كولىك پاركى بار جانە بۇل كومپانيا ا ق ش-تا اقىلى روبوتاكسي قىزمەتىن كورسەتەتىن جالعىز كومپانيا.
Hyundai-مەن سەرىكتەستىك Tesla-عا قاراعاندا بىرنەشە كۇن بۇرىن باستالعان. جاقىن كۇندەرى Tesla-نىڭ باس ديرەكتور يلون ماسك تاپسىرىس بويىنشا روبوتاكسي جاساۋ جوسپارىن جاريالاماقشى. ماسك ونىڭ كومپانياسى Tesla يەلەرى كولىكتەرىن پايدالانباعان كەزدە ولاردى جالعا بەرۋگە مۇمكىندىك بەرەتىن پلاتفورمانى ىسكە قوسۋ جوسپارلارىمەن دە بولىسپەكشى.
Waymo كولىكتەرى قازىردىڭ وزىندە جولدا قاۋىپسىز جۇرۋگە ۇيرەتىلگەن.
Waymo قازىر ءۇندىستاننىڭ Tata Motors كومپانياسىنا تيەسىلى Jaguar Land Rover فيرماسىنىڭ I- PACE كولىكتەرىن پايدالانادى. سونىمەن قاتار Waymo قىتايلىق Geely كومپانياسىنىڭ ەلەكتر كولىگى برەندى Zeekr ەلەكترلى كولىكتەرىندە ءوز تەحنولوگياسىن سىناپ جاتىر.
Waymo وكىلى Hyundai-مەن سەرىكتەستىك ونىڭ قازىرگى كولىك پلاتفورمالارىنىڭ ەشقايسىسىن تىكەلەي الماستىرمايتىنىن ايتادى. بيىل Waymo ءوز قىزمەتتەرىن سان-فرانتسيسكوداعى بارلىق ادامدارعا ۇسىنا باستادى. فينيكس مەتروسىنداعى، سان-فرانتسيسكو تۇبەگى مەن لوس- اندجەلەستىڭ كەيبىر اۋداندارىنداعى قىزمەتتەرىن كەڭەيتتى. Hyundai Motor كومپانياسىنىڭ جاھاندىق باس وپەراتسيالىق ديرەكتورى حوسە مۋنوس مالىمدەمەسىندە:
«ءبىزدىڭ جاڭا ءوندىرىس ورنىمىزدىڭ كومانداسى كەڭەيۋىن جالعاستىرا وتىرىپ، Waymo One پاركىنە كولىكتەردىڭ ايتارلىقتاي سانىن بەرۋگە مىندەتتەلدى. ءبىز ىنتىماقتاستىق ءۇشىن قوسىمشا مۇمكىندىكتەردى بەلسەندى تۇردە زەرتتەپ جاتىرمىز»، - دەپ ايتىلعان.
Waymo كولىكتەرى قازىردىڭ وزىندە جولدا قاۋىپسىز جۇرۋگە ۇيرەتىلگەن:
تۇتىنۋشىلاردىڭ روبوتاكسيگە دەگەن ۇلكەن كۇمانىنە، رەتتەۋشى ورگانداردىڭ قاتاڭ تالاپتارى مەن تەكسەرۋلەرىنە جانە كولىكتى جۇرگىزۋشىسىز باسقارۋ تەحنولوگياسىنا قاتىستى فەدەرالدى تەرگەۋلەرگە قاراماستان، Alphabet بيىل Waymo-عا 5 ميلليارد دوللارلىق ينۆەستيتسيا سالۋدى جوسپارلاعان.
تامىز ايىندا Waymo ءۇش ايدىڭ ىشىندە اقىلى ساپارلار سانىن 2 ەسەگە ارتتىرىپ، اپتاسىنا 100000-عا دەيىن جەتكىزىپ، قىزمەت كورسەتۋ ايماقتارىن كەڭەيتىپ، روبوتاكسيدى كوبىرەك ادامدارعا پايدالانۋعا مۇمكىندىك بەرگەن.
Waymo جەتىستىكتەرى روبوتاكسي نارىعىنداعى باسقا وندىرۋشىلەردى قاتاڭ باسەكەگە شاقىرۋدا. باستى تالاپ - قاۋىپسىز روبوتاكسي جۇيەسىن جاساۋ جانە تەحنولوگيانى جەتىلدىرىپ، كوپشىلىك تۇرعىندارعا ۇسىنۋ.