وسى دەمالىستا اۋا رايى قانداي بولادى

  استانا. KAZINFORM - قازگيدرومەت سينوپتيكتەرى 20-22-قاڭتار ارالىعىنا ارنالعان ءۇش كۇندىك اۋا رايى بولجامىن جاريالادى.

الداعى كۇندەرى شىعىس ەۋروپا اۋداندارىنان كەلەتىن سيكلون ءسىبىر انتيتسيكلونىن باياۋ ىعىستىرادى.

سيكلون الدىمەن رەسپۋبليكانىڭ باتىس بولىگىنە اسەر ەتەدى، وندا قار جاۋىپ، بوران سوعادى، جەل كۇشەيەدى.

ءبىراق ەلدىڭ سولتۇستىگىندە، شىعىسىندا، وڭتۇستىگىندە جانە ورتالىعىندا اپتا تىنىش اياقتالادى. وندا نەگىزىنەن جاۋىن-شاشىن جاۋمايدى.

رەسپۋبليكانىڭ وڭتۇستىك-شىعىسىنا يران اۋداندارىنان جىلى اۋا ماسسالارى كەلەدى، سوندىقتان تۇراقسىز اۋا رايى بولجانادى: قار جاۋادى، كەيدە قاتتى قار جاۋىپ، جەل كۇشەيەدى.

تۇندە ەلدىڭ باتىسىندا اۋا تەمپەراتۋراسى — 7-15 ايازعا دەيىن، سولتۇستىك- باتىستا، سولتۇستىكتە جانە ورتالىقتا — 15-23 ايازعا دەيىن السىرەيدى، وڭتۇستىكتە — 5-13 ايازعا دەيىن كوتەرىلەدى، شىعىستا — 22-31 ايازعا دەيىن، وڭتۇستىك- شىعىستا — 13-22 گرادۋسقا دەيىن تومەندەيدى.