وقۋدا قيىندىعى بار بالالاردىڭ سانى 2 ميلليونعا جەتكەن

استانا. KAZINFORM - ءبىر جىل ىشىندە ەلدەگى پسيحوفيزيكالىق دامۋ بۇزىلىستارى بار بالالاردىڭ سانى %8 وسكەن. وقۋ اعارتۋ مينيسترلىگىنىڭ «بوبەك» ساۋىقتىرۋ ورتالىعىن قايتا ۇيىمداستىرۋ تۋرالى بۇيرىق جوباسىنىڭ نەگىزدەمەسىندە وسىنداي دەرەكتەر كەلتىرىلگەن.

«سوڭعى جىلدارى رەسپۋبليكادا وقىتۋدا ەرەكشە كوزقاراستى قاجەت ەتەتىن بالالار سانىنىڭ ءوسۋ تەندەنسياسى بايقالادى. تەك ءبىر جىل ىشىندە پسيحوفيزيكالىق دامۋ بۇزىلىستارى بار بالالاردىڭ سانى %8 عا ءوستى (2024 ج. - 203 مىڭ، 2023 ج. - 188 مىڭ، 2022 ج. - 175 مىڭ)، سونداي-اق وقىتۋدا ەرەكشە قيىندىقتارى، مىنەز-قۇلىق جانە ەموتسيونالدىق پروبلەمالارى بار 1,5 ميلليوننان استام بالا؛ الەۋمەتتىك- پسيحولوگيالىق، ەكونوميكالىق، تىلدىك، مادەني سەبەپتەرگە بايلانىستى وقۋدا قيىندىقتارىمەن 500 مىڭعا جۋىق بالا بار»، - دەپ جازىلعان رەسمي مالىمەتتە.

وسىعان بايلانىستى ينكليۋزيۆتى ءبىلىم بەرۋدى ءبىر جەردەن جۇيەلەپ وتىراتىن ۇلتتىق عىلىمي-پراكتيكالىق ورتالىق قۇرۋ قاجەتتىلىگى تۋىنداپ وتىرعان كورىنەدى.

«زەرتتەۋلەر كورسەتكەندەي، ەرتە قولداۋ ارقىلى ەرەكشە كوزقاراستى تالاپ ەتەتىن بالالاردىڭ ۇلگەرىمىن 0 جاعدايدا جاقسارتۋعا قول جەتكىزۋ ءۇشىن ۇزدىكسىز ينكليۋزيۆتى ءبىلىم بەرۋدىڭ ۇلتتىق عىلىمي-پراكتيكالىق ورتالىعىن قۇرۋ قاجەتتىلىگى تۋىندادى»، - دەلىنگەن قۇجاتتا.

بۇعان دەيىن جازعانىمىزداي، «بوبەك» ساۋىقتىرۋ ورتالىعى ينكليۋزيۆتى ءبىلىم بەرۋدىڭ ۇلتتىق ورتالىعىنا اينالۋى مۇمكىن.

اۆتور
ەسىمجان ناقتىباي