تالدىقورعاندا 1,6 ميلليارد تەڭگە بيۋدجەت قاراجاتىن جىمقىرعاندار سوتتالدى
استانا. قازاقپارات - تالدىقورعاندا سارقان اۋداندىق ءبىلىم ءبولىمىنىڭ ءۇش بۋحالتەرىنە، بالاباقشا مەڭگەرۋشىسىنىڭ مىندەتىن اتقارۋشى مەن «قازپوشتانىڭ» اۋداندىق ۋچاسكە باستىعىنا قاتىستى سوت ۇكىمى شىقتى، دەپ حابارلايدى 24kz.
لاۋازىمدى قىزمەت اتقارعان كۇدىكتىلەرگە «1,6 ميلليارد تەڭگە سوماسىندا بيۋدجەت قاراجاتىن جىمقىردى» دەگەن ايىپ تاعىلدى. سونىمەن قاتار الاياقتىق، پارا بەرۋگە ارەكەت جاساۋ، بوتەننىڭ مۇلكىن ۇرلاۋ باپتارى بويىنشا قىلمىستىق ءىس قوزعالدى. قالالىق سوتتىڭ سۋدياسى ايىپتالۋشىلاردى كىنالى دەپ تانىدى.
نۇرسۇلتان ورىنباساروۆ، جەتىسۋ وبلىستىق سوتىنىڭ رەسمي وكىلى:
- ءتورت سوتتالۋشى 7 جىلدان 10 جىلعا دەيىن باس بوستاندىعىنان ايىرىلدى. بارلىق سوتتالۋشىلار مەملەكەتتىك قىزمەتتە جانە ماتەريالدىق جاۋاپكەرشىلىككە بايلانىستى لاۋازىمىندا اتقارۋ قۇقىعىنان ايىرۋ ءارتۇرلى مەرزىمگە ايىرىلدى. سوت ۇكىمى زاڭدى كۇشىنە ەنگەن جوق.