تۋۋ كورسەتكىشى بويىنشا تۇركىستان مەن ماڭعىستاۋ وبلىسى، شىمكەنت قالاسى كوش باستادى

استانا. KAZINFORM - ۇلتتىق ستاتيستيكا بيۋروسى 2024 -جىلعى 1- قازانداعى جاعداي بويىنشا حالىق سانىن جاريالادى.

 ءمالىم بولعانداي حالىق سانى 20223218 ادامعا جەتكەن، ونىڭ ىشىندە قالا تۇرعىندارى - 12704977، اۋىل تۇرعىندارى - 7518241 ادام. 9 ايدا حالىقتىڭ جالپى ءوسىمى 189376 ادام.

2024 -جىلدىڭ 9 ايىندا قازاقستاندا 278,7 مىڭ بالا دۇنيەگە كەلدى، قايتىس بولعاندار سانى - 99,5 مىڭ ادام. وسىلايشا، حالىقتىڭ تابيعي ءوسىمى 179,2 مىڭ ادامدى قۇرادى.

تۋۋدىڭ ەڭ جوعارى دەڭگەيى تۇركىستان وبلىسىندا (1000 تۇرعىنعا 25,04 ادام) ، ماڭعىستاۋ وبلىسىندا (24,84) جانە شىمكەنت قالاسىندا (23,68) بايقالدى.

ءولىم-ءجىتىمنىڭ ەڭ جوعارى دەڭگەيى سولتۇستىك قازاقستان وبلىسىندا (1000 تۇرعىنعا 11,52)، شىعىس قازاقستان وبلىسىندا (11,32) جانە قوستاناي وبلىسىندا (10,12) بايقالدى، بۇل وسى وبلىستار حالقىنىڭ جاس قۇرىلىمىنا بايلانىستى.

سونىمەن قاتار، العاشقى جارتى جىلدىڭ ىشىندە 95 ​​مىڭ نەكە قيىلىپ، 29,3 مىڭ اجىراسۋ تىركەلدى.

2024 -جىلعى قاڭتار-قىركۇيەكتە ەلگە كەلگەندەر سانى 20383 ادامدى، ەلدەن كەتكەندەر سانى
10201 ادامدى قۇرادى. كوشى-قون ايىرىمى - 10182 ادام.

2023 -جىلعى ءتيىستى كەزەڭمەن سالىستىرعاندا قازاقستانعا كەلگەندەر سانى %6,5- عا ءوستى، قازاقستاننان كەتكەندەر سانى ,9- عا ازايدى.

ەلدىڭ نەگىزگى كوشى-قون الماسۋى ت م د مەملەكەتتەرىمەن جۇرەدى. ت م د ەلدەرىنەن كەلگەندەردىڭ ۇلەسى y,7، ال بۇل ەلدەرگە كەتكەندەردىڭ ۇلەسى v,9 قۇرادى.

ەل ىشىندەگى كوشى- قون 2023 -جىلدىڭ ءتيىستى كەزەڭىمەن سالىستىرعاندا G,4 ءوستى. ءوڭىرارالىق كوشى-قون بويىنشا ەلىمىزدىڭ 4 وڭىرىندە: استانا (52853 ادام)، الماتى (26157 ادام)، شىمكەنت (5948 ادام) قالالارىندا جانە الماتى وبلىسىندا (765 ادام) حالىق كوشى- قونىنىڭ وڭ ايىرىمى قالىپتاستى.

اۆتور
باقىتگۇل اباي قىزى