سولتۇستىك كورەيا وڭتۇستىك كورەيامەن بايلانىستىراتىن تەمىرجول جانە اۆتوموبيل قاتىناسىن ءبىرجولا توقتاتپاق

استانا. KAZINFORM - سارسەنبىدەن باستاپ سولتۇستىك كورەيا رەسپۋبليكانى وڭتۇستىك كورەيامەن بايلانىستىراتىن بارلىق اۆتوموبيلدەر مەن تەمىر جولداردى تولىعىمەن جاۋىپ تاستايدى. بۇل تۋرالى قىتاي ورتالىق تەلەارناسى حابارلادى.

كورەي حالىق ارمياسىنىڭ باس شتابى مالىمدەمە جاساپ، وندا «9-قازاننان باستاپ وڭتۇستىك كورەيامەن بايلانىستىراتىن تەمىر جولدار مەن اۆتوموبيل جولدارىن تولىعىمەن جاۋىپ تاستايتىنىن» جانە «قورعانىس قۇرىلىمدارىن نىعايتۋ ءۇشىن بەكىنىس جۇمىستارىن جۇرگىزەتىنىن» حابارلادى.

كورەي حالىق ارمياسىنىڭ باس شتابى دا ك ح د ر-دىڭ كورەيا رەسپۋبليكاسىمەن وڭتۇستىك شەكاراسىن ءبىرجولا جاۋىپ، توسقاۋىل قويۋ - ءوزىن-ءوزى قورعاۋ جانە ۇلتتىق قاۋىپسىزدىك شاراسى ەكەنىن مالىمدەدى.

ەسكە سالا كەتسەك، سولتۇستىك كورەيا تاعى دا وڭتۇستىك كورەياعا قوقىس تولتىرىلعان شارلاردى ۇشىردى.

مامىر ايىنىڭ سوڭىنان بەرى سولتۇستىك كورەيا وڭتۇستىك كورەياعا قاراي 5000 نان استام شار ۇشىردى. دۇيسەنبىدە قوقىس سالىنعان شامامەن 120 شار ۇشىرىلعان.

وڭتۇستىك كورەيا ەگەر سولتۇستىك كورەيا ءوزىنىڭ جالعاسىپ جاتقان قوقىس شارلارى ناۋقانىمەن «سىزىقتى كەسىپ وتسە» نەمەسە وڭتۇستىك كورەيالىقتارعا اۋىر زيان كەلتىرسە، «كۇردەلى» اسكەري شارا قولدانۋعا ۋادە بەردى.

پحەنيان بۇل ناۋقاندى مامىر ايىنىڭ سوڭىندا باستادى. ءوز كەزەگىندە وڭتۇستىك كورەيا 21-شىلدەدە داۋىس زورايتقىشتار ارقىلى ۇگىت- ناسيحاتتىق حابار تاراتۋدى قايتا باستادى.

اۆتور
زارينا تۋعانبايەۆا