پرەزيدەنت: قاي ەلدە مەكەن ەتسە دە، قازاقتىڭ ءبىر عانا وتانى بار، ول - قازاقستان

 ەلوردادا شەتەلدەگى قازاقتاردىڭ باسىن بىرىكتىرىپ، وزەكتى ماسەلەلەردى تالقىلاۋعا باعىتتالعان «وتانداستار» فورۋمى باستالدى، دەپ حابارلايدى Kazinform. جيىن باسىندا ءسوز العان ق ر پرەزيدەنتىنىڭ كەڭەسشىسى مالىك وتاربايەۆ مەملەكەت باسشىسىنىڭ فورۋم قاتىسۋشىلارىنا ارناعان حاتىن وقىدى. 

جيىن باسىندا ءسوز العان ق ر پرەزيدەنتىنىڭ كەڭەسشىسى مالىك وتاربايەۆ مەملەكەت باسشىسىنىڭ فورۋم قاتىسۋشىلارىنا ارناعان حاتىن وقىدى.

«ارداقتى اعايىن، سىزدەردى «وتانداستار» فورۋمىنىڭ اشىلۋىمەن شىن جۇرەكتەن قۇتتىقتايمىن. بۇل حالقىمىز ءۇشىن ايرىقشا ءمانى بار باسقوسۋ. قازاقتا: «كەلىسىپ پىشكەن تون كەلتە بولماس»، دەگەن ءسوز بار. حالقىمىز قاشاندا ەلدىك ماسەلەلەردى القالى جيىندا اقىلداسىپ شەشكەن. وسى ورايدا شەتەلدەگى قازاقتارمەن جان-جاقتى بايلانىستى نىعايتۋ، ۇلتتىق قۇندىلىقتاردى دارىپتەۋ جانە باسقا دا وزەكتى ماسەلەلەردى وزدەرىڭىزبەن تالقىلاۋدىڭ ماڭىزى زور. قاي مەملەكەتتە مەكەن ەتسە دە، قازاقتىڭ ءبىر عانا وتانى بار - ول قازاقستان. سوندىقتان ءبىز شەتەلدە تۇراتىن قانداستارىمىزدى قولداۋعا قاشان دا ءمان بەرەمىز. ولاردىڭ تاريحي وتانىنا قونىس اۋدارۋىنا تولىق جاعداي جاسالعان. قازاقستان ازاماتتىعىن جانە قانداس مارتەبەسىن الۋ ءتارتىبى جەڭىلدەتىلدى. شەتەلدەگى قازاق كاسىپكەرلەرى ءۇشىن «اتا جولى» كارتاسى ەنگىزىلدى. قانداستارمەن قارىم-قاتىناستى دامىتۋىعا باعىتتالعان وسىنداي جۇمىستار جالعاسا بەرەدى»، - دەپ پرەزيدەنت قاسىم-جومارت توقايەۆتىڭ حاتىن وقىپ بەردى مالىك وتاربايەۆ.

ايتا كەتەيىك، بۇگىن ەلوردادا «وتانداستار» فورۋمى ءوتىپ جاتىر. شارا اياسىندا شەتەلدەگى قانداستارمەن بايلانىستى نىعايتۋ، مادەني جوبالاردى بىرلەسىپ ىسكە اسىرۋ ءۇشىن ەتنوساياسي بىرلەستىكتەرمەن ارىپتەستىك ورناتۋ جانە ينۆەستيتسيالىق كليماتتى جاقسارتۋ بويىنشا ۇسىنىستار تالقىلانادى.

فورۋمعا شەت مەملەكەتتەردە تۇرىپ جاتقان بەلگىلى قازاقتار جينالدى. اتاپ ايتقاندا، ۇلى ابايدى قىتاي تىلىنە اۋدارعان قالامگەر اكبار ءماجيت، وزبەكستاننىڭ تابيعي رەسۋرستار ءمينيسترىنىڭ كەڭەسشىسى راسۋل كوشەربايەۆ، فرانسياداعى كرەي قالاسى مەرىنىڭ ورىنباسارى ەسشيم ساۆاش بار.

اۆتور

ءاليحان اسقار