ەۋرو-2024: سلوۆەنيا - قازاقستان كەزدەسۋى قاي تەلەرنادان كورسەتىلەدى

فۋتبولدان قازاقستان قۇراماسىنىڭ 2024 -جىلعى ەۋروپا چەمپيوناتىنىڭ ىرىكتەۋ كەزەڭى اياسىندا سلوۆەنيا قۇراماسىمەن كەزدەسۋىنىڭ قاي تەلەارنادان كورسەتىلەتىنى بەلگىلى بولدى، دەپ حابارلايدى Kazinform.

اتالعان كەزدەسۋ 20-قاراشادان 21 نە قاراعان ءتۇنى «Qazaqstan» جانە «Qazsport» تەلەارنالارى ارقىلى ساعات 1:45 تە كورسەتىلەدى.

ەل قۇراماسى H توبىندا 9 ويىننان كەيىن 18 ۇپاي جيناپ، ءۇشىنشى ورىندا تۇر. بۇل توپتا دانيا 22 ۇپاي جيناپ، قۇرلىقتىق دودانىڭ فينالدىق ساتىسىنا ءبىر تۋر بۇرىن جولداما الدى.

ەندى ەكىنشى جولداما تاعدىرى سلوۆەنيا مەن قازاقستان كەزدەسۋىندە شەشىلەدى.

قازاقستاندىق فۋتبولشىلار 23-ناۋرىزدا ەلوردادا وتكەن ويىندا اتالعان قارسىلاسىنا 1:2 ەسەبىمەن ەسە جىبەردى.

قازىرگە دەيىن قۇرلىقتىق دودانىڭ فينالدىق ساتىسىنا فرانسيا، پورتۋگاليا، بەلگيا، يسپانيا، شوتلانديا، تۇركيا، انگليا، اۋستريا، ۆەنگريا، سلوۆاكيا، البانيا، دانيا، نيدەرلاند، شۆەيتساريا، رۋمىنيا، سەربيا قۇرامالارى شىقتى. ال گەرمانيا ۇيىمداستىرۋشى ەل رەتىندە ىرىكتەۋسىز قاتىسادى.

ەۋروپا چەمپيوناتى 2024 -جىلدىڭ 14-ماۋسىمى مەن 14-شىلدەسى ارالىعىندا گرەمانيادا وتكىزىلەدى.

ەسكە سالساق، بۇدان بۇرىن سلوۆەنيا مەن قازاقستان ماتچىنا تورەشىلەر بەلگىلەندى.