قازاقستاندا ارناۋلى الەۋمەتتىك تولەم كىمدەرگە تاعايىندالادى؟
استانا. قازاقپارات - 12 مىڭعا جۋىق قازاقستاندىققا ارناۋلى الەۋمەتتىك تولەم تاعايىندالدى، - دەپ حابارلايدى ەڭبەك جانە حالىقتى الەۋمەتتىك قورعاۋ مينيسترلىگى.
2024-جىلعى 14-قازانداعى جاعداي بويىنشا 11814 ازاماتقا زياندى ەڭبەك جاعدايلارىندا ۇزاق ۋاقىت جۇمىس ىستەگەن ادامدارعا ارنالعان ارناۋلى الەۋمەتتىك تولەم تاعايىندالدى. بۇل تولەمدى تاعايىنداۋعا جالپى 12530 ادام ءوتىنىش بىلدىرگەن.
ەسكە سالايىق، 2024-جىلعى 1-قاڭتاردان باستاپ قازاقستاندا زياندى ەڭبەك جاعدايلارىندا ۇزاق ۋاقىت جۇمىس ىستەگەن ادامدارعا ارناۋلى الەۋمەتتىك تولەم ەنگىزىلگەن ەدى.
ارناۋلى الەۋمەتتىك تولەم الۋ ءۇشىن نە ىستەۋ كەرەك؟
55 جاسقا تولۋ؛
ءبىرىڭعاي جيناقتاۋشى زەينەتاقى قورىندا كەمىندە 7 جىل كاسىپتىك زەينەتاقى اۋدارىمدارىنىڭ بولۋى - مىندەتتى شارتتار.
«تولەم زەينەتكەرلىك جاسقا دەيىن تولەنەدى. ارناۋلى الەۋمەتتىك تولەمدەردى الۋ ءۇشىن ەڭبەك جاعدايلارى زياندى جۇمىستارمەن اينالىسپاۋعا ءتيىس. جۇمىسكەرلەر جەڭىل جۇمىسقا اۋىسا الادى، سودان كەيىن ولار جالاقى مەن تولەم الادى نەمەسە دەمالىسقا شىعىپ، زەينەتكە شىققانعا دەيىن ارناۋلى الەۋمەتتىك تولەم الادى»، - دەلىنگەن حابارلامادا.
ب ج ز ق دەرەكتەرى بويىنشا ارناۋلى الەۋمەتتىك تولەمدى تاعايىنداۋ ءۇشىن مىندەتتى شارتتاردى ەسكەرە وتىرىپ، وعان 2024-جىلى 37 مىڭنان استام جۇمىسكەر ۇمىتكەر بولا الادى، جالپى تولەمنىڭ ورتاشا مولشەرى 208 مىڭ تەڭگەدەن اسادى. ءاربىر جۇمىسكەر ءۇشىن تولەم مولشەرى ب ج ز ق- داعى جيناقتارىنا بايلانىستى بولادى.
الەۋمەتتىك كودەكسكە سايكەس جۇمىس بەرۋشىلەر كاسىپتەرى مەن قىزمەت تۇرلەرى ەڭبەك جاعدايلارى زياندى جۇمىستارمەن اينالىساتىن جۇمىسكەرلەردىڭ، وندىرىستەردىڭ، جۇمىستاردىڭ، كاسىپتەردىڭ تىزبەسىنە ەنگىزىلگەن جۇمىسكەرلەر ءۇشىن مىندەتتى كاسىپتىك زەينەتاقى جارنالارىن اۋدارادى، ولاردىڭ 2,3 مىڭنان استام پوزيتسياسى بار. وسىلايشا، ارناۋلى الەۋمەتتىك تولەمدى ەكونوميكانىڭ 17 سالاسىندا، ونىڭ ىشىندە تاۋ-كەن ءوندىرۋ جانە وڭدەۋ ونەركاسىبىندە جانە وزگە دە سالالاردا جۇمىس ىستەيتىن قازاقستاندىقتار الا الادى.