قاسىم-جومارت توقايەۆ شاۆكات ميرزيەيەۆتى اۋەجايىندان قارسى الدى
استانا. KAZINFORM -قاسىم-جومارت توقايەۆ قازاقستانعا مەملەكەتتىك ساپارمەن كەلگەن وزبەكستان پرەزيدەنتى شاۆكات ميرزيەيەۆتى ەلوردا اۋەجايىندا قارسى الدى، دەپ حابارلايدى اقوردانىڭ باسپا ءسوز قىزمەتى.
مارتەبەلى قوناقتى سالتاناتپەن قارسى الۋ ءۇشىن اۋەجايدا قۇرمەت قاراۋىلى روتاسى ساپ تۇزەپ تۇردى.
ساپار اياسىندا جوعارى دەڭگەيدە ەكىجاقتى كەلىسسوزدەر جۇرگىزىلەدى جانە ءبىرقاتار ماڭىزدى قۇجاتقا قول قويىلادى دەپ جوسپارلانىپ وتىر.
ورتالىق ازيانىڭ ىقپالدى مەملەكەتتەرى قاتارىندا قازاقستان مەن وزبەكستاننىڭ اتى ءجيى ايتىلادى. قوس ەل ساياسي ساباقتاستىقتان بولەك، ساۋدا-ەكونوميكالىق سەرىكتەستىكتى باستى باسىم باعىتقا اينالدىرىپ ۇلگەردى.
7-8-تامىز كۇندەرى تۇستىكتەگى كورشى ەل باسشىسى شاۆكات ميرزيەيەۆ قازاقستانعا رەسمي ساپارى وتەدى. بۇل مەملەكەتتىك ساپاردا كوپتەگەن ماڭىزدى كەلىسىمدەرگە قادام جاسالۋى مۇمكىن.
اۆتور
ەربول جانات