قارلى داۋىل تۋرالى ەسكەرتۋ جاريالاندى

استانا. KAZINFORM - موڭعوليانىڭ مەتەورولوگيا جانە قورشاعان ورتانى باقىلاۋ ينستيتۋتى سەيسەنبى كۇنى قارلى بوران تۋرالى ەسكەرتۋ جاريالادى، دەپ حابارلايدى شينحۋا اقپارات اگەنتتىگى.

سينوپتيكتەردىڭ بولجامىنشا، 8-قازانعا قاراعان تۇننەن باستاپ باتىس، ورتالىق جانە گوبي ايماقتارىندا، 9-قازاندا ەلدىڭ شىعىس وبلىستارىندا قارلى بوران سوعىپ، كەيىننەن موڭعوليا اۋماعىنىڭ باسىم بولىگىندە قار جاۋادى.

جەلدىڭ جىلدامدىعى 14-16 م/س دەيىن كۇشەيەدى دەپ بولجانىپ وتىر.

مەتەورولوگيا جانە قورشاعان ورتانى باقىلاۋ ينستيتۋتى قارلى بورانعا جانە اۋىلدىق جەرلەردە جولدىڭ كورىنبەۋىنە ۇلانباتىر تۇرعىندارىن ايماقتارعا ساپارعا شىقپاۋعا، ال موڭعول كوشپەلى مالشىلارىن جايىلىمدىق جەرلەردە مال باعۋدا قىراعى جانە ساق بولۋعا شاقىردى.

ايتا كەتەرلىگى، قازاقستان اسىل تۇقىمدى قويلاردى موڭعولياعا ەكسپورتتايدى.

اۆتور
زارينا تۋعانبايەۆا