ناپولەون بوناپارتتىڭ تاپانشالارى اۋكتسيوندا ساتىلدى

استانا. قازاقپارات – 7-شىلدەدە فرانسيانىڭ ءبىرىنشى يمپەراتورى ناپولەون بوناپارتتىڭ ەكى تاپانشاسى اۋكسيوندا ساتىلدى.

مۇنداي اقپارات اۋكسيون وتكىزگەن Osenat اۋكسيون ءۇيىنىڭ الەۋمەتتىك جەلىلەرىندە جاريالاندى.

تاپانشالار 1,69 ميلليون ەۋروعا ساتىلعان. بۇل - شامامەن 900 ميلليون تەڭگەگە تەڭ. ءداستۇر بويىنشا اۋكسيوندى ۇيىمداستىرۋشىلار تاپانشالاردىڭ جاڭا يەسى تۋرالى اقپاراتتى جاريا ەتپەدى.

ۇيىمداستىرۋشىلار ءاۋ باستا 1,2-1,5 ميلليون ەۋروعا باعالانعاندىقتان، ءساتتى مامىلەگە جاسالعانىنا ءماز بولۋدا. پيستولەتتەر جاسىل بارقىتپەن قاپتالعان جانە التىنمەن كەستەلەنگەن جاڭعاق قوراپشاسىنا سالىنعانىن اتاپ وتكەن ءجون.

ايتپاقشى، بيىل 28-ماۋسىمدا فرانسيا مادەنيەت مينيسترلىگى بۇل تاپانشالاردى ۇلتتىق قازىنا دەپ تانىپ، ەلدەن اكەتۋگە تىيىم سالعان بولاتىن. بۇل - تاپانشالاردىڭ ەكسپورتتىق سەرتيفيكاتى جوق دەگەن ءسوز. ياعني، تاپانشالاردىڭ جاڭا يەسى جەرگىلىكتى باي ەكەنىن اڭعارۋ قيىن ەمەس.