مينيسترلىك بەيبىت شۇمەنوۆتى ىزدەستىرۋ نەگە توقتاتىلعانىن ءتۇسىندىردى

استانا. قازاقپارات - ءى ى م باسپا ءسوز قىزمەتى Tengri Sport-قا بوكستان بۇرىنعى الەم چەمپيونى بەيبىت شۇمەنوۆ مەملەكەتارالىق ىزدەستىرۋ بازاسىنان نەگە الىپ تاستالعانىن ءتۇسىندىردى، - دەپ حابارلايدى Tengrinews.kz ءتىلشىسى.

تانىمال بوكسشىعا قاتىستى جانجال بىلتىر شىلدەدە بولعان: ول كەزدە شۇمەنوۆ استاناداعى ساۋدا ورتالىقتارىنىڭ بىرىندە قولىندا بالاسى بار ەر ادامدى سوققىعا جىققان. بوكسشى 5 جىلعا دەيىن باس بوستاندىعىنان ايىرىلۋى مۇمكىن ەكەنى ايتىلدى. ءبىراق ول قازاقستاننان كەتىپ، مەملەكەتارالىق ىزدەۋ جاريالانعان ەدى.

«سوتالدى تەرگەپ-تەكسەرۋ بارىسىندا جابىرلەنۋشىدەن تاراپتاردىڭ تاتۋلاسۋىنا بايلانىستى كۇدىكتىگە قاتىستى سوتالدى تەرگەپ-تەكسەرۋدى توقتاتۋ تۋرالى ءوتىنىش كەلىپ ءتۇستى، اقتالمايتىن نەگىزدەر بويىنشا وعان بۇدان بىلاي شاعىمدار جوق، ماتەريالدىق زالال تولىق وتەلدى.

سونىمەن قاتار، كۇدىكتىدەن اقتالمايتىن نەگىزدەر بويىنشا تاراپتاردىڭ تاتۋلاسۋىنا بايلانىستى وعان قاتىستى قىلمىستىق ءىستى توقتاتۋ تۋرالى ءدال وسىنداي ارىز ءتۇستى.

استانا پوليتسياسى بۇل ادامدى ىزدەستىرۋدى 2024 -جىلدىڭ 4-مامىرىندا توقتاتتى»، - دەپ جاۋاپ بەردى Tengri Sport ءى ءى م باسپا ءسوز قىزمەتى.