ۇلىتاۋ وبلىسىنا شەتەلدىك تۋريستەر نەگە از بارادى
22:52, 20 - قازان 2023
ورتالىق كوممۋنيكاتسيالار قىزمەتىندە وتكەن بريفينگىدە تۋريزم جانە سپورت ۆيتسە-ءمينيسترى ەرجان ەركىنبايەۆ تۋريستەر ەڭ از كەلەتىن ءوڭىردى اتادى، دەپ حابارلايدى Kazinform.
«تۋريستەردىڭ سانىنا قاتىستى ايتاتىن بولساق، وندا ۇلىتاۋ وبىلىسى تۇر. «نەلىكتەن؟» دەگەن ساۋال تۋىندايدى. سەبەبى ۇلىتاۋ وبلىسىندا جاتىن ورىندار از. تاريحي ماڭىزى زور جەرلەردىڭ كوپ بولعانىنا قاراماستان، وندا قوناق ۇيلەردەگى ورىنداردىڭ بولماۋى تۋريستەر سانىنا اسەر ەتەدى»، - دەدى ەرجان ەركىنبايەۆ ب ا ق وكىلدەرىنىڭ ساۋالىنا جاۋاپ بەرە وتىرىپ.
سونىمەن قوسا وسى بريفينگى بارىسىندا ۆيتسە-مينيستر شەتەلدىك تۋريستەر الدانىپ قالماس ءۇشىن كەلەر جىلدان QR- كود جۇيەسى ەنگىزىلەتىنىن ايتتى.