ەلىمىزدە قانشا ەر ادام بالا كۇتىمىنە وراي دەمالىسقا شىققان

استانا. قازاقپارات - 2024 -جىلدىڭ ءبىرىنشى جارتىجىلدىعىندا 561,5 مىڭ قازاقستاندىق مەملەكەتتىك الەۋمەتتىك ساقتاندىرۋ قورىنان الەۋمەتتىك تولەم العان.

ونىڭ ىشىندە 560,3 مىڭ ايەل جانە 1,2 مىڭ ەر ادام بار. بالا كۇتىمىنە بايلانىستى دەمالىسقا شىققان ەر ادامدار نەگىزىنەن اكتسيونەرلىك قوعام، جاۋاپكەرشىلىگى شەكتەۋلى سەرىكتەستىگىندە جۇمىس ىستەيدى نەمەسە ەكونوميكانىڭ ءارتۇرلى سالاسىندا جەكە كاسىپكەرلىكپەن اينالىسادى. تولىعىراق مەملەكەتتىك الەۋمەتتىك ساقتاندىرۋ قورى ا ق-نىڭ اگەنتتىك جولداعان رەسمي ساۋال جاۋابىندا ايتىلعان.

بىلتىر بالا كۇتىمىنە وراي 575,7 مىڭ ادام الەۋمەتتىك تولەم العان، ونىڭ ىشىندە 574 مىڭ (�,7) ايەل جانە 1,7 مىڭ (%0,3) ەر ادام بار.

قوردىڭ ستاتيستيكالىق مالىمەتتەرىنە سۇيەنسەك، جىل سوڭىنا دەيىن بالا كۇتىمى بويىنشا الەۋمەتتىك تولەم الۋشىلاردىڭ سانى وتكەن جىلمەن سالىستىرعاندا كوپ بولۋى مۇمكىن.

2024 -جىلدىڭ ءبىرىنشى جارتى جىلدىعىندا دەكرەتكە شىققان قازاقستاندىقتار 500 ميلليون تەڭگە العان.

«2023 -جىلى الەۋمەتتىك تولەمدەردىڭ جالپى سوماسى 287 ميلليارد تەڭگەنى قۇرادى، ونىڭ ىشىندە ايەلدەرگە - 286 ميلليارد تەڭگە جانە ەرلەرگە - 1 ميلليارد تەڭگە. 2024 -جىلدىڭ ءبىرىنشى جارتىجىلدىعىندا - 193 ميلليارد تەڭگە، ونىڭ ىشىندە ايەلدەرگە - 192,5 ميلليارد تەڭگە جانە ەرلەرگە -500 ميلليون تەڭگە بەرىلدى. قوردان تولەنەتىن الەۋمەتتىك تولەم مولشەرى بالا دۇنيەگە كەلمەس بۇرىن 24 ايدا قورعا الەۋمەتتىك اۋدارىمدار جۇرگىزىلگەن ورتاشا ايلىق تابىستىڭ @ قۇرايدى»، - دەلىنگەن رەسمي ساۋال جاۋابىندا.

قوردان بولىنەتىن الەۋمەتتىك تولەم مەملەكەتتىك ورگاندار مەن ۇيىمداردىڭ اقپاراتتىق جۇيەلەرىنەن الىنعان مالىمەتتەر نەگىزىندە تاعايىندالادى. نەگىزگى قۇجات بالانىڭ تۋۋ تۋرالى كۋالىگى جانە ءوتىنىش بەرۋشىنىڭ جسن بويىنشا قورعا تۇسكەن الەۋمەتتىك اۋدارىمدار تۋرالى مالىمەتتەر. الەۋمەتتىك تولەمدەردى الۋشى ەر ادامدار اق- دا، ج ش س-دە جۇمىس ىستەيدى نەمەسە ەكونوميكانىڭ ءتۇرلى سالالارىندا جەكە كاسىپكەرلەر.

سونداي-اق، ەگەر 1,5 جاسقا دەيىن بالا كۇتىمىنە وراي دەمالىسقا شىققان اتا- انانىڭ ءبىرى جۇيەنىڭ قاتىسۋشىسى بولماسا، ول جاعدايدا بالا ءبىر جارىم جاسقا تولعانعا دەيىن، بيۋدجەت قاراجاتى ەسەبىنەن اي سايىنعى مەملەكەتتىك جاردەماقى تاعايىندالادى:

- ءبىرىنشى بالاعا - 5,76 ايلىق ەسەپتىك كورسەتكىش (ا ە ك)؛

- ەكىنشى بالاعا - 6,81 ا ە ك؛

- ءۇشىنشى بالاعا - 7,85 ا ە ك؛

- ءتورتىنشى جانە ودان دا كوپ بالاعا - 8,90 ا ە ك.

الەۋمەتتىك تولەم نەمەسە جاردەماقى اكەسىنە نەمەسە اناسىنا عانا تاعايىندالادى. ەكى جانە ودان دا كوپ بالاعا الەۋمەتتىك تولەم نەمەسە جاردەماقى ءار بالاعا جەكە تاعايىندالادى.