كيىك ەتىن وڭدەۋ: ب ق و اكىمى قىتايلىق ينۆەستورعا جەر بەرىلمەيتىنىن ايتتى
باتىس قازاقستان وبلىسىنىڭ اكىمى ناريمان تورەعاليەۆ ورتالىق كوممۋنيكاتسيالار قىزمەتىنىڭ الاڭىندا وتكەن باسپا ءسوز ءماسليحاتىندا كيىك ەتىن جانە وزگە دە بولىكتەرىن وڭدەۋگە قاتىستى ساۋالعا جاۋاپ بەردى، دەپ حابارلايدى kazinform.
تىلشىلەر: «مۇنداي وندىرىسكە قىتايلىق ينۆەستوردى تارتۋ ءۇشىن جەر بەرىلە مە؟»، - دەپ سۇرادى.
ايماق باسشىسى كورشى ەلدەن ينۆەستور كەلىپ، زاۋىت سالۋ ۇسىنىسىن بىلدىرگەنىن ايتتى. الايدا جەر بەرۋ تۋرالى شەشىم بولماعانىن جەتكىزدى.
بۇل تۇستا قىتايلىق كومپانيانىڭ ۇسىنىسى ەلدى ەلەڭ ەتكىزدى. الەۋمەتتىك جەلىلەردە اكىمنىڭ جاۋابى تولىق بەرىلمەي، بۇرمالانعان اقپارات تارادى. ناريمان تورەعاليەۆ وسى اپتادا جاڭاقالا اۋدانىنىڭ جۇرتشىلىعىمەن كەزدەسۋدە بۇل ماسەلەگە قاتىستى ساۋالعا ناقتى جاۋاپ بەردى.
«قىتايلىقتارعا بولسىن، كەز كەلگەن شەتەلدىكتەرگە بولسىن، زاڭ بويىنشا جەر جالعا دا بەرىلمەيدى، ساتىلمايدى دا»، - دەدى ناريمان تورەعاليەۆ.