ەكى قولى جوق قازاق قىزى جىگەرىمەن قىتايلىقتاردى ءتانتى ەتتى
قىتايداعى مادينا ەسىمدى قازاق قىزى جىگەرىمەن ەلدى تامساندىرىپ ءجۇر. ول ومىرگە قۇشتارلىعى تۋرالى بلوگ جۇرگىزەدى. بۇل تۋرالى Bugin.kz ونىڭ جەلىدەگى پاراقشاسىنا سىلتەمە جاساپ حابارلايدى.
مادينا - 1 جارىم ميلليارد حالقى بار قىتايدا وسكەن قازاق قىزى. ول قازىر قىتايدىڭ ىشكى ايماعىنا ءوتىپ، ءوز كاسىبىن دوڭگەلەتىپ وتىر:
«مەن قازاق تىلىندە وقىعانمىن. قازىر قىتاي تىلىنەن قينالىپ ءجۇرمىن. بۇل قيىنشىلىقتاردىڭ ءبارىن ەڭسەرەمىن دەپ ويلايمىن. قىتايلىقتارعا زات ساتقاندىقتان ولاردىڭ تىلىندە سويلەۋگە ءماجبۇرمىن. ەشقاشان ۇيرەنۋدەن شارشاماڭىزدار. ۇيرەنۋ ەشقاشان توقتامايتىن ونەر ەكەن. تەك مەكتەپتە ەمەس، قوعامنان دا ۇيرەنىڭىزدەر. ءومىر - وتە كەرەمەت»، - دەدى ول.
قازىر ول سەنىمدى ادامى ارقىلى قازاقستان حالقىنا Tik tok ارقىلى تانىلىپ جاتىر. موتيۆاتسيالىق باعىتتاعى بلوگ جۇرگىزەدى.
ول قولىنان ايرىلعان وقيعاسىن تەبىرەنە ەسكە الادى. مادينا 6 ايلىق ءسابي كەزىندە اتا-اجەسى، اپكەسى تورتەۋى قىستاۋدان اۋىلعا بارماق بولادى. قارلى بوراندا ولار اداسىپ كەتەدى. اناسى مەن اپكەسى مادينانى امان الىپ قالۋ ءۇشىن بار كيىمدەرىن شەشىم، سابيگە وراي بەرگەن. وزدەرى قايتىس بولىپ، مادينا ءتىرى قالادى. جانىنداعى ەكى ادام قايتىس بولعان سوڭ، ءسابي قيمىلداپ ەكى قولىن وراۋدان سىرتقا شىعارىپ العان. سول كەزدە 2 قولى دا ءۇسىپ كەتكەن ەكەن. اتاسى بوراننان اما-ەسەن اۋىلىنا جەتىپ، مادينانى دا كەيىنىرەك قۇتقارادى.