جىل سوڭىنا دەيىن قازاقستانعا شەتەلدەن الما اكەلۋگە تىيىم سالىندى

استانا. قازاقپارات - بۇگىننەن باستاپ جىل سوڭىنا دەيىن قازاقستانعا شەتەلدەن الما اكەلۋگە تىيىم سالىندى.

ەگىن جيناۋ ماۋسىمىندا الما يمپورتى بولسا، قازاقستاندىق باعباندار ءونىمدى وتكىزۋدە قيىندىقتارعا تاپ بولادى ەكەن. سايكەسىنشە، باعبانداردىڭ قارجىلىق جاعدايى ناشارلايدى.

سونىمەن قاتار فەرمەرلەر يمپورتتىق وندىرۋشىلەر تاراپىنان دەمپينگكە ۇشىراۋدا، جوعارى باسەكەلەستىك يمپورتتىق ءونىم وتاندىق وندىرۋشىلەردىڭ رەنتابەلدىلىگىن تومەندەتەدى.

قازاقستاندا باۋ-باقشا شارۋاشىلىعىن، وتاندىق الما ءوندىرىسىن دامىتۋ ءۇشىن سۋبسيديالار، جەڭىلدىكتى كرەديت بەرۋ تۇرىندە مەملەكەتتىك قولداۋ شارالارى قابىلداندى. قابىلدانعان شارالاردىڭ ناتيجەسىندە سوڭعى 5 جىلدا الما بويىنشا قامتاماسىز ەتۋ b,9 دان � عا دەيىن ءوستى.

«وتاندىق الما ءوندىرىسىن قولداۋ جانە وتاندىق ءونىمدى وتكىزۋدى قامتاماسىز ەتۋ ماقساتىندا سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيا 2024 -جىلعى 31-جەلتوقسانعا دەيىن اۆتوموبيل كولىگىمەن ءۇشىنشى ەلدەردەن الما اكەلۋگە تىيىم سالۋدى ەنگىزۋدى ماقۇلدادى»، - دەلىنگەن اۋىل شارۋاشىلىعى مينيسترلىگىنىڭ باسپا ءسوز قىزمەتى تاراتقان حابارلامادا.

ەسكە سالايىق، الما اكەلۋگە تىيىم سالۋ تەك ەگىن جيناۋ كەزەڭىندە عانا ەنگىزىلگەن. وسىلايشا، وتاندىق باعباندارعا جينالعان ءونىمدى ساقتاۋعا جانە ونى قولايلى باعامەن ساتۋعا مۇمكىندىك بەرەدى. ماۋسىمارالىق كەزەڭدە الما يمپورتى شەكتەلمەيدى.

شەكتەۋ ە ا ە و-عا مۇشە مەملەكەتتەردەن الما اكەلۋگە جانە قازاقستان اۋماعى ارقىلى حالىقارالىق الما ترانزيتىنە اسەر ەتپەيدى.

ايتا كەتەيىك، بۇيرىق 2024 -جىلعى 8-قازاندا عانا كۇشىنە ەندى.