Jibek Joly تۋريستىك پويىزى تۇركىستانعا كەلدى
استانا. KAZINFORM - تۋريزم يندۋسترياسى كوميتەتىنىڭ ءتوراعاسى نۇرتاس كارىپبايەۆ تۇركىستان وبلىسىنا جاساعان ساپارى بارىسىندا Jibek Joly تۋريستىك پويىزىمەن العاشقى ساپارعا شىققان ساياحاتشىلاردى قارسى الدى.
بۇل تۋرالى تۋريزم جانە سپورت مينيسترلىگى حابارلادى.
ءتۋريزمدى دامىتۋ مەن مادەني الماسۋ ماقساتىندا قولعا الىنعان جاڭا مارشرۋت 115 ساياحاتشىنى قابىلدادى. العاشقى رەيستىڭ جولاۋشىلارى تۇركىستاندا ءبىر كۇن، وزبەكستان استاناسى تاشكەنتتە ەكى كۇن وتكىزەدى. تۋريستەرگە ىڭعايلى بولۋ ءۇشىن كاسىبي گيدتەرمەن ەكسكۋرسيا ۇيىمداستىرىلىپ، جايلى اۆتوبۋستار ۇسىنىلدى.
Jibek Joly تۋريستىك پويىزى مەملەكەت باسشىسى قاسىم-جومارت توقايەۆتىڭ تاپسىرماسىمەن، ءتۋريزمدى دامىتۋ ستراتەگياسى اياسىندا ىسكە اسىرىلعانىن اتاپ وتكەن ءجون. جوبا جاڭا باعىتتاردى اشۋعا، ەكى ەل اراسىنداعى مادەني بايلانىستاردى نىعايتۋعا جانە ازاماتتار ءۇشىن ساياحاتتىڭ قولجەتىمدىلىگىن ارتتىرۋعا باعىتتالعان.
ەسكە سالا كەتەيىك، بۇعان دەيىن الماتى ستانتسياسىنان Jibek Joly تۋريستىك پويىزى ساپارىن باستاعانىن حابارلاعان ەدىك.