جاپونياداعى پارلامەنتتىك سايلاۋدا باسقارۋشى كواليتسيا باسىم كوپشىلىگىنەن ايىرىلدى

استانا. KAZINFORM - جاپونيادا جەكسەنبى كۇنى وتكەن سايلاۋدىڭ الدىن الا قورىتىندىسى بويىنشا، باسقارۋشى كواليتسيا باسىم كوپشىلىگىنەن ايىرىلدى، ال وپپوزيتسيا پارلامەنتتىڭ تومەنگى پالاتاسىندا كوبىرەك ورىنعا يە بولدى.

ەندى باسقارۋشى كواليتسيانىڭ تاعدىرى كەلىسسوزدەر ارقىلى شەشىلەتىن بولادى، دەپ حابارلايدى BBC.

رەسمي دەرەكتەرگە سايكەس، پرەمەر-مينيستر سيگەرۋ يسيبانىڭ ليبەرالدىق-دەموكراتيالىق پارتياسى (LDP) مەن «كومەيتو» پارتياسىنان تۇراتىن بلوك كوپشىلىك ءۇشىن قاجەتتى 233 ورىننىڭ 215 ءىن الدى، ال وپپوزيتسيالىق پارتيالار 250-ورىنعا يە بولدى.

وسىلايشا، بۇل قورىتىندى ليبەرال- دەموكراتتاردىڭ جەكەشە بيلىگىن توقتاتۋى مۇمكىن.

NHK تەلەراديوكومپانياسىنىڭ بولجامى جاپونيانىڭ سوعىستان كەيىنگى تاريحىنىڭ كوپ بولىگىن باسقارعان LDP جانە ونىڭ كواليتسيالىق سەرىكتەستەرى تومەنگى پالاتاداعى 465 ورىننىڭ 174 پەن 254 ءىن جەڭەدى دەپ كۇتكەنىن كورسەتتى.

سوڭعى رەت LDP كوپشىلىكتى 2009-جىلى جوعالتقان. ونىڭ باستى قارسىلاسى، بۇرىنعى پرەمەر-مينيستر ەسيحيكو نودانىڭ جاپونيانىڭ كونستيتۋتسيالىق-دەموكراتيالىق پارتياسى ايتارلىقتاي تابىسقا قول جەتكىزىپ، كەمىندە 143 مانداتقا يە بولدى.

BBC تىلشىلەرى اتاپ وتكەندەي، ەندى بيلىكتە قالۋ ءۇشىن LDP شيەلەنىستى سايلاۋدا كۇرەسكەن ساياسي كۇشتەرمەن كواليتسيا قۇرۋ تۋرالى كەلىسسوزدەر جۇرگىزىپ، مۇنى ءالسىز پوزيتسيادان جاساۋى كەرەك.

بۇل پارتيا شەگىنۋگە ءماجبۇر بولادى دەگەن ءسوز.

يسيبا وپپوزيتسيالىق پارتيالارمەن كەلىسسوز جۇرگىزۋگە نيەتتى ەكەنىن مالىمدەگەن.