فرانسيادا ايگىلى رۋان سوبورى ورتكە وراندى

استانا. KAZINFORM - الەمدەگى ەڭ بيىك گوتيكالىق سوبورلاردىڭ ءبىرى وتقا وراندى. ءورت عيماراتتىڭ قۇرىلىس جۇمىستارى جۇرگىزىلىپ جاتقان بولىگىندە شىقتى. ءورتتىڭ شىعۋ سەبەبى ءالى انىقتالىپ جاتىر، دەپ جازادى BILD.

BFM تەلەارناسى تاراتقان حاباردان رۋان سوبورىنان قارا ءتۇتىن شىعىپ جاتقانىن كورۋگە بولادى. سوبورعا كەلۋشىلەردىڭ بارلىعى ەۆاكۋاتسيالاندى.

فرانسيانىڭ رۋان قالاسىنداعى گوتيكالىق سوبور XII- XVI عاسىرلاردا تۇرعىزىلعان. سوبوردىڭ مەتال شپيلى XIX عاسىردا سالىنعان. سوبوردىڭ بيىكتىگى-151 مەتر. ول فرانسيانىڭ ۇلتتىق مۇرا تىزىمىنە ەنگىزىلگەن.

2019-جىلدىڭ 15-ساۋىرىندە پاريج قۇداياناسىنىڭ سوبورىن ورتكە ورانعان. ەكى ساعاتتىڭ ىشىندە ءورت سوبوردىڭ گوتيكالىق شپيلىن، ۆيتراجدارىن قيراتىپ، شاتىرىن قۇلاتقان ەدى.