شاۆكات راحمونوۆتىڭ UFC 296 تۋرنيرىندەگى تابىسى بەلگىلى بولدى

MMA. Metaratings.ru پورتالى قازاقستاندىق فايتەر شاۆكات راحمونوۆتىڭ لاس-ۆەگاستا (ا ق ش) وتكەن UFC 296 تۋرنيرىندە امەريكالىق ستيۆەن تومپسوندى جەڭگەنى ءۇشىن قانشا قالاماقى الاتىنىن ايتتى، دەپ حابارلايدى Kazinform.

«شاۆكات راحمونوۆ ستيۆەن تومپسوندى تۇنشىقتىرىپ (بۇعان دەيىن ەشكىم ولاي جاساي الماعان)، UFC اياسىنداعى التىنشى جەكپە-جەگىن مەرزىمىنەن بۇرىن جەڭىپ، بەلبەۋ ءۇشىن جۇدىرىقتاسقىسى كەلەتىنىن ايتتى. قازاقستاندىقتىڭ كەلەسى جەكپە-جەگى تيتۋلدىق جەكپە-جەك بولاتىنىنا كۇمانىمىز بار. MMA Salaries مالىمەتى بويىنشا، تومپسوندى جەڭگەنى ءۇشىن راحمونوۆ مانسابىنداعى ەڭ جوعارى گونوراردى الدى - 306 مىڭ دوللار (شىققانى ءۇشىن – 150، جەڭگەنى ءۇشىن – 150، دەمەۋشىلىك بونۋستارى ءۇشىن - 6 مىڭ دوللار).

الايدا، جەڭىسكە جەتكەنىمەن، شاۆكات تابىس جاعىنان تومپسوندى باسىپ وزا المادى. ستيۆەن پروموۋشەندە ۇزاق ۋاقىتتان بەرى ونەر كورسەتىپ كەلەدى، ءبىر كەزدەرى بەلبەۋ ءۇشىن دە جۇدىرىقتاسقان. سوندىقتان ونىڭ بانكتىك شوتىنا ءالى كۇنگە دەيىن جوعارى سوما ءتۇسىپ تۇرادى. UFC 296-دان كەيىن امەريكالىق 416 مىڭ دوللارعا بايىدى (400 ى شىققانى ءۇشىن جانە 16 سى دەمەۋشىلەردىڭ ىنتالاندىرۋلارى)»، - دەپ جازادى ب ا ق.