ديماش قۇدايبەرگەن دىندەر سەزىنىڭ ىزگى نيەت ەلشىسى بولىپ تاعايىندالدى

استانا. KAZINFORM - بەلگىلى قازاق ءانشىسى ديماش قۇدايبەرگەن الەمدىك جانە ءداستۇرلى دىندەر كوشباسشىلارى سەزىنىڭ ىزگى نيەت ەلشىسى بولىپ تاعايىندالدى.

استانادا ءوتىپ جاتقان الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ 22- وتىرىسىندا سەزدىڭ ىزگى نيەت ەلشىسى لاۋازىمىنا 5 ادام ۇسىنىلدى. وسى بەس ادامنىڭ ىشىندە ءانشى ديماش قۇدايبەرگەن دە بار.

حاتشىلىق وتىرىسىنا قاتىسۋشىلار وسى بەس ۇمىتكەردىڭ كانديداتۋراسىن دا ءبىراۋىزدان ماقۇلدادى.

ەسكە سالا كەتەيىك، بۇعان دەيىن الەمدىك جانە ءداستۇرلى دىندەر ليدەرلەرى سەزى ارقىلى رۋحاني ديپلوماتيا نىعايتىلاتىنىن جازعان ەدىك.

اۆتور
ەسىمجان ناقتىباي