عىلىم مينيسترلىگى ەلىمىزدەگى رەيتينگى ەڭ جوعارى ۋنيۆەرسيتەتتەردى اتادى
استانا. KAZINFORM - عىلىم جانە جوعارى ءبىلىم مينيسترلىگى ەلىمىزدەگى رەيتينگى ەڭ جوعارى ۋنيۆەرسيتەتتەردى اتادى.
«2024 -جىلعى 5-ماۋسىمدا QS Quacquarelli Symonds جوعارى ءبىلىم سالاسىنداعى حالىقارالىق تالداۋ اگەنتتىگى الەمنىڭ ۇزدىك ۋنيۆەرسيتەتتەرى رەيتينگىنىڭ 2025 -جىلعى جاڭا شىعارىلىمىن - QS World University Rankings-2025 شىعاردى. قازاقستان رەيتينگتە 21 جوعارى وقۋ ورنىمەن ۇسىنىلعان. ونىڭ بەسەۋى جاقسارىپ، تورتەۋى ءوز پوزيتسيالارىن ساقتاپ، 12 ءسى تومەندەدى. ءال- فارابي اتىنداعى قازاق ۇلتتىق ۋنيۆەرسيتەتى قازاقستاندىق جوعارى وقۋ ورىندارى اراسىندا كوشباسشى بولىپ قالا بەرەدى جانە 163- ورىنعا يە بولىپ، الەمنىڭ ۇزدىك 200 جوعارى وقۋ ورنىنا ورالدى. بۇل وتكەن جىلعى ناتيجەدەن 67 پوزيتسياعا جاقسى. سونداي- اق، ل. گۋميليەۆ اتىنداعى ە ۇ ۋ (355-ورىننان 321-ورىنعا) جانە ساتبايەۆ ۋنيۆەرسيتەتىنىڭ (481-ورىننان 405-ورىنعا) كورسەتكىشتەرى جاقساردى»، - دەپ اتاپ ءوتتى مينيسترلىكتەن اگەنتتىكتىڭ رەسمي ساۋالىنا وراي.
ۆەدموستۆو مالىمەتشە، اباي اتىنداعى ق ا ز ۇ پ ۋ-دا دا جاقسى كورسەتكىش بايقالادى. قالعان جوعارى وقۋ ورىندارى بىلتىرعى پوزيتسيالارىندا قالدى.
«رەيتينگتە قازاقستان بەدەلدى ينديكاتورلار - اكادەميالىق بەدەل جانە جۇمىس بەرۋشىلەر اراسىنداعى بەدەل بويىنشا كورسەتكىشتەردىڭ ايتارلىقتاي جاقسارۋىمەن اتاپ ءوتىلدى. ورتالىق ازيانىڭ باسقا ەلدەرىمەن سالىستىرعاندا قازاقستان «جۇمىس بەرۋشىلەر اراسىنداعى بەدەل» ينديكاتورى بويىنشا ەڭ جاقسى ناتيجەلەرگە قول جەتكىزدى. بۇعان ورتالىق ازيا ءوڭىرىنىڭ ءاربىر ەلىندەگى رەيتينگكە قاتىسۋشى بارلىق جوعارى وقۋ ورىندارى ءۇشىن وسى ينديكاتور بويىنشا ەسەپتەلگەن ورتاشا ماندەر دالەل بولا الادى. رەيتينگكە قاتىسۋشى 21-قازاقستاندىق ج و و- نىڭ 19 ى «اكادەميالىق بەدەل» جانە «جۇمىس بەرۋشىلەر اراسىنداعى بەدەل» ينديكاتورلارى بويىنشا كورسەتكىشتەردى جاقسارتتى. ءال- فارابي اتىنداعى قازاق ۇلتتىق ۋنيۆەرسيتەتى مەن ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى بەدەلدى ينديكاتورلار بويىنشا ەڭ جارقىن ناتيجەلەردى كورسەتتى. ولاردىڭ ىشىندە «جۇمىس بەرۋشىلەر اراسىنداعى بەدەل» بويىنشا قازۇۋ- دىڭ الەمدەگى 77- ورنى ەرەكشە كوزگە تۇسەدى»، - دەدى مينيسترلىكتەن.