بيىل «سەرپىن» باعدارلاماسىنا جەڭىلدىكتەر ەنگىزىلەدى

استانا. KAZINFORM - بيىل «سەرپىن» باعدارلاماسىنا مەملەكەتتەن 3903 گرانت ءبولىنىپ وتىر.

«سەرپىن» باعدارلاماسىمەن وقۋعا تۇسكەن تۇلەكتەر، گرانت بەرىلگەن وڭىردە جۇمىس ىستەۋى ءتيىس ەدى. ءبىز بۇل تالاپتى وزگەرتىپ، ياعني جەڭىلدەتپەكپىز. ەندى تۇلەكتەر «سەرپىن» باعدارلاماسى ىسكە قوسىلعان كەز كەلگەن وڭىردە جۇمىس ىستەي الادى. نەگە؟ سەبەبى ەڭبەك نارىعى وزگەرۋدە. بىزدە ەڭبەك نارىعى قاجەتتىلىكتەرىن انىقتايتىن مەحانيزمدەر ناقتى ەمەس، پروبلەمالار بار»، - دەدى ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن عىلىم جانە جوعارى ءبىلىم ءمينيسترى ساياسات نۇربەك.

مينيستر سونداي-اق كادر دايارلاۋدا ساپاعا ءمان بەرەتىن ۋاقىت كەلگەنىن ايتتى.

«ساپا ارتقاندا نارىقتا كادرلاردىڭ قۇنى ەسەلەنە تۇسەدى. قازىر ءبىزدىڭ بارلىق نازارىمىز ساپاعا اۋدارىلۋدا»، - دەيدى ول.

سونىمەن قاتار ۆەدومستۆو باسشىسى ەگەر تۇلەك «سەرپىن» باعدارلاماسىنىڭ مىندەتتەمەلەرىن ورىنداماسا، وندا اقشانى كەرى قايتارۋعا مىندەتتى ەكەنىن ەسكە سالدى.

ايتا كەتەيىك، بيىلدان باستاپ «سەرپىن» ارقىلى تەك قانا 5 وبلىستاعى اۋىل بالالارى گرانتقا تۇسە الادى.

«سەرپىن» جوباسىنىڭ باستى ماقساتى - ەلىمىزدىڭ وڭتۇستىك وڭىرلەرىنىڭ جاستارىن كادر تاپشىلىعىن كورىپ وتىرعان ايماقتاردا وقىتىپ، بىلىكتى ماماندار دايارلاۋ.

اۆتور
داۋلەت ىزتىلەۋ