بەيجىڭ وليمپياداسىنىڭ چەمپيونى «قازاق بوكسىن» سىنعا الدى

2008-جىلعى بەيجىڭ وليمپياداسىنىڭ چەمپيونى، ازيا چەمپيوناتىندا ءۇش رەت توپ جارعان باقىت سارسەكبايەۆ قازىرگى قازاق بوكسىن سىنعا الدى. «قازاق بوكس ءستيلىن» جوعالتىپ الدىق دەپ سانايدى.

بۇل تۋرالى ول instagram پاراقشاسىنا جازدى.

بارلىق بوكس جانكۇيەرى 2000-جىلدار باسىنداعى جيروۆ، نيازىمبەتوۆ، يبرايموۆ، ورازاليەۆ، ءجۇمادىلوۆ، ساتتارحانوۆ جانە ت. ب. جەكپە-جەكتەرىن كورسە دەيمىن. ولاردىڭ بارلىعىنان قاپتالدان جاسايتىن سوققى، كروسس، قارسىلاستان بۇرىن ۇرۋ، پسيحولوگيالىق قىسىم مەن بوساڭسۋعا بولمايتىن ەرىك-جىگەردى بايقايسىڭ. بۇل ناعىز قازاقى بوكس ستيلى بولاتىن. ءبىز جاس كەزىمىزدە سونداي شەبەرلەرگە قاراپ تامساندىق، ەلىكتەپ، سوققىلارىمىزدى شىنىقتىراتىنبىز. قازىر سول شەبەرلىك قايدا؟ «قازاق ستيلى» قايدا كەتتى؟ الەم چەمپيوندارى نەگە وزدەرىن دالەلدەمەيدى؟ قازىرگى قۇراممەن قايتالانباس قازاق بوكسى ستيلىن قايتارا الۋىمىز ەكىتالاي، - دەيدى باقىت سارسەكبايەۆ.

ايتا كەتەيىك، جۋىردا عانا استانادا 4 جىلدا ءبىر كەلەتىن سپارتاكيادا ويىندارى ءوتىپ، ەلىمىزدىڭ ۇزدىك بوكسشىلارى انىقتالدى. سول جارىس ناتيجەسىندە ۇلتتىق قۇراما الداعى ءىرى جارىستارعا دايىندالاتىن بولادى.