بوكستان جاسوسپىرىمدەر اراسىنداعى الەم چەمپيوناتىندا قازاقستان قورجىنىنا ءۇشىنشى «التىن» ءتۇستى

قازاقستاندىق بوكسشى ايسۇلۋ مۇحيت ەريەۆاندا (ارمەنيا) ءوتىپ جاتقان بوكستان جاسوسپىرىمدەر اراسىنداعى 2023 -جىلعى الەم چەمپيوناتىندا فينالدىق كەزدەسۋىن وتكىزدى.

Kazinform بۇل تۋرالى Sports.kz-كە سىلتەمە جاساپ حابارلايدى.

66 كەلى سالماقتاعى بوكسشىلار اراسىندا وتكەن فينالدىق كەزدەسۋدە ايسۇلۋ مۇحيت رۋمىنيا وكىلى اماليا تۋگۋيمەن كەزدەسىپ، 3:2 ەسەبىمەن جەڭىسكە جەتتى.

وسىلايشا، ايسۇلۋ مۇحيت الەم چەمپيوناتىنىڭ «التىنىن» جەڭىپ الدى. بۇل - قازاقستان قۇراماسىنىڭ بيىلعى تۋرنيردەگى ءۇشىنشى مەدالى. بۇعان دەيىن اياجان سىدىق (54 كەلى) پەن تولعاناي قاسىمحان (60 كەلى) فينالدا جەڭىسكە جەتتى.

ايتا كەتەيىك، 60 كەلى سالماقتا ونەر كورسەتەتىن قاسىمحان فينالدا رەسەيلىك كيرا لەونوۆامەن كەزدەستى. ءۇشىنشى راۋندتا تورەشى قازاقستاندىققا نوكداۋن سانادى. وسىعان قاراماستان سپورتشىمىز 3:2 ەسەبىمەن جەڭىسكە جەتتى.

وسىلايشا، تولعاناي قاسىمحان جاسوسپىرىمدەر اراسىنداعى الەم چەمپيوناتىندا قازاقستانعا ەكىنشى «التىندى» اكەلدى. بۇعان دەيىن ءوز سالماعىندا اياجان سىدىق (54 كەلى) تۋرنير چەمپيونى اتانعان بولاتىن.

ەرتەڭ قازاقستان قۇراماسىنان نۇراسىل تولەبەك (54 كەلى) فينالدىق كەزدەسۋ وتكىزەدى.

اۆتور

ەلميرا ورالبايەۆا