بۇگىن كۇرەس تۇرلەرىنەن الەم چەمپيوناتى جالاۋىن كوتەرەدى

سەربيا استاناسى بەلگراد قالاسىندا بۇگىن كۇرەس تۇرلەرىنەن الەم چەمپيوناتى جالاۋىن كوتەرەدى، دەپ حابارلايدى قازاقپارات ءتىلشىسى.

ءدۇبىرلى دودا بەلگراد قالاسىنداعى «شتارك ارەنا» سپورت كەشەنىندە بولادى.

جاھاندىق دودانى العاشقى بولىپ ەركىن كۇرەس شەبەرلەرى باستايدى. كۇرەستىڭ اتالعان تۇرىنەن 61، 70، 86، 125 كەلىدەگى پالۋاندار كۇش سىناسادى.

العاشقى جارىس كۇنىندە ەل قۇراماسىنان ءوسىمجان داستانبەك (61 كەلى)، سانجار دوسجانوۆ (70 كەلى)، ازامات داۋلەتبەكوۆ (86 كەلى)، يۋسۋپ باتىرمۋرزايەۆ (125 كەلى) بوز كىلەمگە شىعادى.

بەلدەسۋلەردى جانكۇيەرلەر «Qazaqstan» ۇلتتىق ارناسى جانە qazsporttv.kz سايتى ارقىلى تاماشالاي الادى.

العاشقى بەلدەسۋلەر ەلوردا ۋاقىتىمەن 15:30 دا باستالادى. جارتىلاي فينال مەن اقتىق سىندار 22:00-23:15 اراسىندا بولادى.

ەسكە سالساق، بۇدان بۇرىن كۇرەس تۇرلەرىنەن الەم چەمپيوناتىنا قاتىساتىن قازاقستاندىق بالۋاندار جايىندا حابارلاعان ەدىك.