ەندى مينيسترلەر جۋرناليستەرمەن كەستە بويىنشا كەزدەسەدى
16:40, 15 - قىركۇيەك 2023
ۇكىمەتى مۇشەلەرى مەن ورتالىق مەملەكەتتىك ورگاندار رەسمي وكىلدەرىنىڭ بريفينگ وتكىزۋ كەستەسى جاريالاندى.
ەندى مينيسترلىك باسشىلارىمەن بەلگىلەنگەن كەستە بويىنشا بريفينگ وتكىزۋگە بولادى. ماسەلەن، پرەمەر-ءمينيستردىڭ ورىنباسارى - قارجى ءمينيسترى ەرۇلان جاماۋبايەۆ ايىنا ءبىر رەت بريفينگ وتكىزسە، سىرتقى ىستەر مينيسترلىگى وكىلى اپتا سايىن وتكىزەدى. ال سۋ جاڭا مينيسترلەر - تۋريزم جانە سپورت ءمينيسترى ەرمەك مارجىقپايەۆ، سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ، ونەركاسىپ جانە قۇرىلىس ءمينيسترى قانات شارلاپايەۆ تەك قازاندا بريفينگ وتكىزەتىنى كورسەتىلگەن.
سونىمەن قاتار، شەتەلدىك ءىس-ساپارلار وسى كەستەدەگى بريفينگ وتكىزۋ كەزەڭىمەن سايكەس كەلگەن جاعدايدا بريفينگ كەلەسى اپتاعا اۋىستىرىلاتىنى ايتىلدى.
ورتالىق مەملەكەتتىك ورگاندار وسى كەستە بويىنشا بريفينگ وتكىزۋ الاڭىن وزدەرى تاڭداۋعا قۇقىلى ەكەنى حابارلاندى.
Massaget.kz