قىتايدا ازيا ويىندارىنىڭ الاۋ ەستافەتاسى باستالدى

سپورتتى دامىتۋ ديرەكتسياسىنىڭ باسپا ءسوز قىزمەتى قىتايدىڭ حانچجوۋ قالاسىندا وتەتىن ⅩⅨ جازعى ازيا ويىندارىنىڭ الاۋ ەستافەتاسى 14-قىركۇيەكتە ءوز شەرۋىن باستاعانىن حابارلادى، دەپ جازادى Egemen.kz.

سالماعى ءبىر كەلىدەن اساتىن «ماڭگىلىك الاۋ» حاڭجوۋ وزەنىنىڭ باتىسىنان شىعىپ، جىجياڭ اۋماعىنداعى حۋجوۋ، جياسين، شاوسين، نينبو، جوۋشان، تايجوۋ، ۆەنجوۋ، ليشۋي، جينحۋا، چيۋيجوۋ سەكىلدى 11 ءىرى قالانى ارالاپ، ويىندار وتەتىن جەرگە 20-قىركۇيەكتە ورالادى. وسى ارالىقتا ونى ازيا وليمپيادا كەڭەسىنە كىرەتىن 45 ۇلتتىق وليمپيادا كوميتەتىنىڭ وكىلدەرى ۇستاپ، 50 مەترگە دەيىن جۇگىرىپ ءوتۋى كەرەك.

ال 23-قىركۇيەك كۇنى وتەتىن سالتاناتتى اشىلۋ راسىمىندە 6 اتلەت الاۋدى جاعۋعا كومەكتەسەدى.

4975 رەسمي وكىل جانە 45 ۇلتتىق وليمپيادا كوميتەتىنەن كەلگەن 12417 سپورتشى قاتىساتىن ازيا ويىندارى 8-قازاندا اياقتالادى.