ک س ر و-نى ساۋاتسىزدار باسقارعان - پروفەسسور اندرەي زۋبوۆ

استانا. قازاقپارات - بۇرىنعى ک س ر و جونىندە ايتىلماعان، جازىلماعان شىندىقتار قازىرگى کۇنى ايتىلا، جازىلا باستادى.

تاريح عىلىمدارىنىڭ دوکتورى، م گ ي م و-نىڭ پروفەسسورى اندرەي زۋبوۆ بىلاي دەيدى:

- 1930-جىلدارى ک س ر و-نى باسقارعان اسا لاۋازىمدى مەملەکەتتىک شەنەۋنىکتەردىڭ باسىم کوپشىلىگىنىڭ جوعارى ءبىلىمى بولمادى. ماسەلەن، ک پ س س ورتالىق کوميتەتىنىڭ 38 مۇشەسىنىڭ تەك ەکەۋىنىڭ عانا جوعارى ءبىلىمى بولدى. ونىڭ ءبىرى - ا.ن.کوسىگين. ەکىنشىسى - گ.يا.سوکولنيکوۆ.

ال ک س ر و-نىڭ سىرتقى ىستەر ءمينيسترى ۆ.م.مولوتوۆ پەن وقۋ-اعارتۋ ءمينيسترى ا.س.بۋبکوۆ بار-جوعى رەالدى ۋچيليشەنى (قازىرگى تىلمەن ايتساق، کاسىپتىك-تەحنيکالىق ۋچيليشەنى) بىتىرگەن-دى. جول قاتىناستارى ءمينيسترى ا.ا.اندرەيەۆتىڭ ەکى کلاستىق قانا ءبىلىمى بولدى. قورعانىس ءمينيسترى ۆ.ە.ۆوروشيلوۆ بار بولعانى باستاۋىش کلاستى عانا بىتىرگەن ەدى.

سالىستىرۋ ءۇشىن ايتا کەتەيىك، قازان توڭکەرىسىنىڭ الدىندا پاتشالىق رەسەيدىڭ قارجى ءمينيسترى ي.ا.ۆىشنەگرادسکي بولدى، ول اسا کورنەکتى عالىم ەدى. اکادەميك بولاتىن. اۆتوماتتى باسقارۋ جۇيەسى جونىندە بىرنەشە کىتاپ جازدى. سول تۇستا رەسەيدىڭ مينيسترلەر کەڭەسىنىڭ ءتوراعاسى پ.ا.ستولىپين بولدى. پ.ا.ستولىپين سانکت-پەتەربۋرگ ۋنيۆەرسيتەتىنىڭ ماتەماتيکا فاکۋلتەتىن التىن مەدالمەن بىتىرگەن بولاتىن. قاداپ ايتا کەتەتىن ءبىر جايت، 1900 - 1915- جىلدارى پاتشالىق رەسەيدىڭ مينيسترلەرىنىڭ ءبارى بىردەي جوعارى ءبىلىمدى (بۇلاردىڭ ءبىرازى عالىمدار ەدى) جانە سول سالادا تاجىريبەسى مول بىلىکتى کادرلاردان ىرىکتەلگەن ەدى.

«جاس الاش» گازەتى