الماتى پوليتسەيلەرى ەندى ەلەكتروساموكاتپەن ءجۇرۋى مۇمكىن

الماتىلىق پوليتسەيلەر الداعى ۋاقىتتا ساموكات ءمىنىپ ءجۇرۋى مۇمكىن. قازىر پيلوتتىق جوبا مەگاپوليستىڭ ءبىر اۋداندا جۇزەگە اسىرىلىپ جاتىر، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتىنىڭ مالىمەتىنشە، جاڭاشىلدىق سىناق تۇرىندە مەدەۋ اۋدانىندا ەنگىزىلدى.

«ساموكات مىنگەن بىرنەشە موبيلدى توپ ءتارتىپتى قامتاماسىز ەتۋ ماقساتىندا مەگاپوليستەگى ساياباقتاردا كەزەكشىلىك ەتۋدە»، - دەپ حابارلادى پوليتسيادان.

ۆەدومستۆودان ءمالىم ەتكەندەي، جىل باسىنان بەرى الماتىدا ساموكات مىنگەندەر جاساعان جەتى مىڭعا جۋىق قۇقىقبۇزۋشىلىق تىركەلدى. بۇعان دەيىن ولار جول قوزعالىسىنا قاتىسۋشىلار سياقتى جازالانسا، ءقازىر جۇرگىزۋشىلەر رەتىندە جاۋاپقا تارتىلادى.