استانادا تۇنگى كلۋبتا كۇزەتشىلەر مەن قوناقتار اراسىندا جاپپاي توبەلەس بولدى

جانجال استانانىڭ تۇنگى كلۋبتارىنىڭ بىرىندە، كۇزەتشى مەن كلۋبقا كەلۋشى اراسىندا بولعان، دەپ حابارلايدى قازاقپارات پوليتسياعا سىلتەمە جاساپ.

كەيىنىرەك «102» ارناسىنا قاراعاندى تاسجولىندا جول جيەگىندە جاپپاي توبەلەس ءجۇرىپ جاتقانى تۋرالى حابار ءتۇستى.

وقيعا ورنىنا كەلگەن پوليتسيا قىزمەتكەرلەرى قۇقىق بۇزۋشىلىقتىڭ جولىن كەسىپ، 17 ادامدى انىقتاپ، پوليتسيا بولىمىنە جەتكىزدى.

توبەلەسكە تۇنگى كلۋب كۇزەتشىلەرى مەن كەلۋشىلەر قاتىسقانى بەلگىلى بولدى. جانجال كەزىندە قاتىسۋشىلاردىڭ ءبىرى اتىس قارۋىن قولدانىپ، بىرنەشە رەت وق اتقان.

تەرگەۋ شارالارى بارىسىندا پوليتسەيلەر تەگىس ۇڭعىلى مىلتىقتى تاۋىپ، تاركىلەدى.

اتالعان قىلمىستى جاساعان كۇدىكتىلەر استانا قالاسى پ د ۋاقىتشا ۇستاۋ يزولياتورىنا قامالدى.

قازىرگى ۋاقىتتا وقيعانىڭ قالعان قاتىسۋشىلارىن انىقتاۋ جانە ۇستاۋ بويىنشا جەدەل-ىزدەستىرۋ شارالارى جالعاسىپ جاتىر.

ق ر ق ك 293-بابىنىڭ 3-بولىگى بويىنشا قىلمىستىق ءىس قوزعالدى.