قوشتاسۋ. ا ق ش- تا گولوۆكيننىڭ سوڭعى ايقاسى تۋرالى ايتىلدى

امەريكالىق جۋرناليست دجەك ماككافەرري Vesti.kz تىلشىسىنە بەرگەن سۇحباتىندا قازاقستاندىق گەننادي گولوۆكيننىڭ (42-2-1، 37 KO) بولاشاعىنا قاتىستى ويىن ايتتى.

«ءبارى گولوۆكين ءوزىن قالاي سەزىنەتىنىنە بايلانىستى. كەيىنگى جەكپە-جەكتەرىندە ونىڭ قالاي باياۋلاپ قالعانى بايقالدى. دەگەنمەن ول ورتا سالماقتاعى مىقتى بوكسشى. ەگەر قالاسا، ول چەمپيوندىق بەلبەۋلەردى دە جيناي الادى. ءبىراق ءبىر جىل توبە كورسەتپەدى.

ەگەر ول قوشتاسۋ ايقاسىن ۇيىمداستىرعىسى كەلسە، قازاقستاندا وتكىزگەنى تاماشا بولادى. مۇنداي دەڭگەيدەگى بوكسشى ءوزىنىڭ قالاۋى بويىنشا جۇدىرىقتاسا الادى. قارسىلاس رەتىندە كەز كەلگەن بوكسشىنى تاڭداي الادى. گولوۆكينمەن جەكپە-جەك بولاشاعى زور جاس بوكسشىلاردىڭ دا، چەمپيونداردىڭ دا ماقساتى»، - دەيدى ماككافەرري.