اپەللياتسيا ارىستانبەك مۇحامەدي ۇلىنا شىققان ۇكىمدى وزگەرىسسىز قالدىردى

ارىستانبەك مۇحامەدي ۇلىنا تاعايىندالعان سوت ۇكىمى ءوز كۇشىندە قالدى. ۇلتتىق مۋزەيدىڭ بۇرىنعى ديرەكتورى جازاسىن سوت ۇكىمىنە ساي وتەيدى، دەپ حابارلايدى قازاقپارات ءتىلشىسى.

«ارىستانبەك مۇحامەدي ۇلىنىڭ اپەللياتسيالىق شاعىمى قاناعاتتاندىرۋسىز قالدىرىلسىن. قاۋلى زاڭدى كۇشىنە ەندى. ا. مۇحامەدي ۇلىنىڭ كىناسى تولىق دالەلدەندى، ونى قورعاۋشىلاردىڭ دالەلدەرى راستالمادى. سوتتالۋشىنى اتاۋعا نەگىز جوق. اتالعان ءىس بويىنشا اۋديتورلىق زەرتتەۋ جۇرگىزىلدى»، - دەدى سۋديا مۇرات سولتىبايەۆ.

ەسكە سالايىق، ۇلتتىق مۋزەيدىڭ بۇرىنعى ديرەكتورى ارىستانبەك مۇحامەدي ۇلى 2022-جىلى 28- مامىردا قاماۋعا الىنعان ەدى.

وعان «التىن ادامنىڭ الەم مۋزەيلەرىنە شەرۋى» حالىقارالىق كورمەسىن وتكىزۋ كەزىندە مەملەكەتتىك ساتىپ الۋ تۋرالى شارت اياسىندا بيۋجەت قاراجاتىن جىمقىردى دەگەن ايىپ تاعىلدى.

ايتا كەتسەك، سوت بارىسىندا ارىستانبەك مۇحامەدي ۇلى ءوز كىناسىن مويىندامادى.

بيىل 20- ماۋسىمدا سوت ۇكىمىمەن ارىستانبەك مۇحامەدي ۇلى 8 جىلعا باس بوستاندىعىنان ايىرىلدى.

سونىمەن قاتار، ەلوردا سوتى ونىڭ سىبايلاستارىنا دا ۇكىم شىعاردى. ۇلتتىق مۋزەيدىڭ بۇرىنعى باسشىسىنىڭ 3 سىبايلاسى دا 7 جىلعا سوتتالدى.

26- شىلدەدە ارىستانبەك مۇحامەدي ۇلىنىڭ قورعاۋشىسى ءىستى قايتا قاراۋ جونىندە اپەللياتسيالىق شاعىم ءتۇسىردى.

12- قىركۇيەك كۇنى ەلوردا سوتى ارىستانبەك مۇحامەدي ۇلىنىڭ قورعاۋشىسىنان تۇسكەن اپەللياتسيالىق شاعىمدى قاراۋدى باستادى.

بۇگىن تاڭەرتەڭ وتكەن سوتتا ا. مۇحامەدي ۇلىنىڭ ادۆوكاتى جازانى جەڭىلدەتۋدى سۇراعان ەدى.