قازاقستانعا بىرنەشە ەلدەن ۇشقىشسىز باسقارىلاتىن اپپاراتتار جەتكىزىلدى
«كەيىنگى كەزدەرى الەم ەلدەرىندە بولىپ جاتقان قارۋلى قاقتىعىستار ۇشقىشسىز باسقارىلاتىن اپپاراتتاردىڭ ماڭىزدى ءرولىن بايقاتىپ وتىر. وسى ورايدا ەلىمىزدە بۇل باعىتتا ءتيىستى قادامداردى جاساپ جاتىرمىز. قازىر وسى اپپاراتتاردى ساتىپ الىپ جاتىرمىز جانە وزىمىزدە دە ءوندىرۋدى قولعا الدىق»، - دەدى س. قامالەتدينوۆ سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.
وسى ورايدا ول اتالعان اپپاراتتاردى قازاقستاندا ءوندىرۋ جوسپارى جايىندا ايتىپ بەردى.
«بىزدە يزرايلدىك ۇشقىشسىز باسقارىلاتىن اپپاراتتار بار، سونداي-اق ق ح ر- دان دا جەتكىزىلدى. تۇركيا كومپانيالارىمەن بىرلەسكەن كاسىپورىندى قۇرۋ باعىتىندا جۇمىس ىسكە اسىرىلىپ جاتىر. سونىمەن قاتار، قازىر وتاندىق اپپاراتتاردى سىناقتان وتكىزۋ ءىس-شارالارى جالعاسىپ وتىر»، - دەدى ءمينيستردىڭ ورىنباسارى.