ارىستانبەك مۇحامەدي ۇلىنىڭ ادۆوكاتى جازانى جەڭىلدەتۋدى سۇرادى

ەلوردا سوتى ارىستانبەك مۇحامەدي ۇلىنىڭ قىلمىستىق ىسىنە قاتىستى اپەللياتسيالىق شاعىمدى قاراۋدى جالعاستىرىپ جاتىر، دەپ حابارلايدى قازاقپارات ءتىلشىسى.

«سىبايلاس جەمقورلىققا قارسى قىزمەت زاڭدى بۇزىپ، سوتقا دەيىنگى تەرگەۋ مەرزىمدەرىن كەشىكتىردى. مەرزىم وتكەننەن كەيىن كەز كەلگەن تەرگەۋ ارەكەتتەرى جانە ءوندىرىس تولىعىمەن زاڭسىز. ءبىز 221 ميلليون 411 مىڭ تەڭگە سوماسىنداعى ازاماتتىق تالاپپەن كەلىسپەيمىز. ءبىزدىڭ ويىمىزشا، ءبىرىنشى ساتىداعى سوت شىعىن سوماسىن نەگىزسىز انىقتادى. سوت كەلتىرىلگەن شىعىن 155 ميلليون 100 مىڭ تەڭگە دەپ ەسەپتەدى. ونىڭ ۇستىنە، ا. مۇحامەدي ۇلىنىڭ جۇبايى سوتقا دەيىنگى تەرگەۋ بارىسىندا 111 ميلليون 271 مىڭ تەڭگە سوماسىنداعى شىعىندى ءىشىنارا وتەدى. دەگەنمەن، بىزگە تۇسىنىكسىزدىگى جالپى سومادان بولەك (155 ميلليون 100 مىڭ تەڭگە) تاعى 43 ميلليون تەڭگەگە شىعىندى وتەۋدى تالاپ ەتتى. ونىڭ ۇستىنە، كەلتىرىلگەن زالالدى 4 سوتتالۋشى ءبولىپ تولەۋ كەرەك، ياعني ءارقايسىسىنا 38 ميلليون تەڭگەدەن كەلەدى»، - دەدى ايگەرىم انۋاربەك سوت بارىسىندا.

ونىڭ ايتۋىنشا، سوت شىعىندى وتەۋدە دۇرىس ەسەپتەمەگەن. سوتتالۋشى مەن ونىڭ ادۆوكاتى سوتتىڭ زالالدى وتەۋ شەشىمىمەن كەلىسپەي وتىر.

«ءبىراق سوت تۇسىنىكسىز جاعدايدا ا. مۇحامەدي ۇلىنىڭ ايەلى ىسقاقوۆا وتەگەن زالالدى بارلىق سوتتالۋشىعا ءبولىپ تاستاعان. وتەلگەن سوما تەك ا. مۋحامەدي ۇلى ءۇشىن تولەندى. ناتيجەسىندە مۇحامەدي ۇلى تاعى بەرەشەك بولىپ وتىر»، - دەيدى ادۆوكات.

سونداي-اق، ادۆوكات ارىستانبەك مۋحامەدي ۇلىنىڭ جازاسىن جەڭىلدەتۋدى سۇرادى.

«مەن جازانى جەڭىلدەتۋدى سۇرايمىن. ەگەر كەلتىرىلگەن شىعىننىڭ بەلگىلى ءبىر بولىگىنىڭ وتەلگەنىن ەسكەرسەك، ىسقاقوۆا تولەگەن 72 ميلليون تەڭگە قالدىق سوما رەتىندە كەرى قايتارۋعا جاتادى. بۇل - وتباسىلىق اقشا. بۇل جەردە اۋديت بويىنشا دايەكتەر ناقتى ەمەس. سوت بارىسىندا دامۋ اۋديتورلىق كومپانياسى 2020-جىلعى 4- مامىرداعى 1№ شارتتىڭ كوشىرمەسىن ۇسىندى. شارت اۋديتوريالىق كومپانيا مەن استانانىڭ انتيكورى اراسىندا جاسالعان. تاعى ءبىر جايت، شارتقا انتيكوردىڭ قاتارداعى قىزمەتكەرى قول قويعان، اۋديتورلىق زاڭ بويىنشا ءبىرىنشى باسشىنىڭ قولى بولۋى كەرەك»، - دەيدى ءا. انۋاربەك.

بۇگىن ساعات 17:00 دە اتالعان سوت وتىرىسى جالعاسادى.

ەسكە سالايىق، ۇلتتىق مۋزەيدىڭ بۇرىنعى ديرەكتورى ارىستانبەك مۇحامەدي ۇلى 2022-جىلى 28- مامىردا قاماۋعا الىنعان ەدى. وعان «التىن ادامنىڭ الەم مۋزەيلەرىنە شەرۋى» حالىقارالىق كورمەسىن وتكىزۋ كەزىندە مەملەكەتتىك ساتىپ الۋ تۋرالى شارت اياسىندا بيۋجەت قاراجاتىن جىمقىردى دەگەن ايىپ تاعىلدى. ايتا كەتسەك، سوت بارىسىندا ارىستانبەك مۇحامەدي ۇلى ءوز كىناسىن مويىندامادى.

بيىل 20- ماۋسىمدا سوت ۇكىمىمەن ارىستانبەك مۇحامەدي ۇلى 8 جىلعا باس بوستاندىعىنان ايىرىلدى. سونىمەن قاتار، ەلوردا سوتى ونىڭ سىبايلاستارىنا دا ۇكىم شىعاردى. ۇلتتىق مۋزەيدىڭ بۇرىنعى باسشىسىنىڭ 3 سىبايلاسى دا 7 -جىلعا سوتتالدى.

26- شىلدەدە ارىستانبەك مۇحامەدي ۇلىنىڭ قورعاۋشىسى سوتقا ءىستى قايتا قاراۋ تۋرالى اپەللياتسيالىق شاعىم ءتۇسىردى.

12- قىركۇيەك كۇنى ەلوردا سوتى ارىستانبەك مۇحامەدي ۇلىنىڭ قورعاۋشىسىنان تۇسكەن اپەللياتسيالىق شاعىمدى قاراۋدى باستادى.