قۇتتى مەكەن: قانداستاردىڭ كوشى- قونى ءبىرىڭعاي جۇيە ارقىلى ەسەپكە الىنادى
«كوشى- قون اعىنىن ەسەپكە الۋ ءۇشىن كوشىپ- قونۋشىلاردىڭ 13 باعىتىن قامتيتىن «قۇتتى مەكەن» ءبىرىڭعاي اقپاراتتىق جۇيەسىن قۇرۋ جۇمىستارى ىسكە اسىرىلىپ جاتىر. بۇل شارا مەملەكەتتىك شەكارادان وتكەن قازاقستان جانە شەتەل ازاماتتارىنىڭ كەلۋ ماقساتى مەن تۇرۋ مەرزىمىنىڭ ءبىرىڭعاي ەسەبىن جۇرگىزۋگە، «ءبىر تەرەزە» قاعيداتى ارقىلى كوشى- قون ۇردىستەرىنىڭ باعىتى بويىنشا مەملەكەتتىك قىزمەت كورسەتۋگە مۇمكىندىك بەرەدى»، - دەدى ۇكىمەت باسشىسى جاۋابىندا.
ونىڭ اتاپ وتۋىنشە، قازىرگى ۋاقىتتا «قانداس»، «شەتەلدىك جۇمىس كۇشى»، «ەڭبەك نارىعى» سياقتى اۆتوماتتاندىرىلعان اقپاراتتىق جۇيەلەردىڭ ارحيتەكتۋرالارىنا تالداۋ جاسالىپ، «قونىس اۋدارۋشىلاردى وڭىرلىك كۆوتاعا قابىلداۋ» مەملەكەتتىك قىزمەتىن كورسەتۋ بويىنشا جۇمىستار جۇرگىزىلىپ جاتىر.
«سونىمەن قاتار، ەتنيكالىق كوشى- قوندى رەتتەۋ بويىنشا ادىستەر قايتا قارالدى. حالىقارالىق تاجىريبەگە سۇيەنە وتىرىپ، شەتەلدە تۇراتىن ەتنيكالىق قازاقتاردىڭ قانداس مارتەبەسىن الۋعا ءوتىنىشىن ق ر س ءى م شەتەلدەگى مەكەمەسى ارقىلى ەلىمىزدىڭ اۋماعىندا قانداستاردى «ءبىر تەرەزە» قاعيداتى بويىنشا ورنالاستىرۋدىڭ جاڭا تەتىگى ەنگىزىلدى. جاڭا تەتىك پيلوتتىق رەجيمدە ءبىرقاتار ەلدە ىسكە اسىرىلا باستادى. قازىرگى ۋاقىتتا، «ءبىر تەرەزە» قاعيداتى بويىنشا سولتۇستىك وڭىرلەرگە كوشىرۋ ءۇشىن 1937 (631 وتباسى) ەتنيكالىق قازاقتىڭ ءوتىنىشى قابىلداندى، ونىڭ 1559 ى (508 وتباسى) رۇقسات الدى»، - دەدى پرەمەر- مينيستر.