قازاقتا تۋىستاردى ءبىر-بىرىمەن تاتۋلاستىرۋعا كومەكتەسەتىن تاعام بار ەكەنىن ءبىلدىڭىز بە؟
اقساقالى بار ۇلكەن وتباسى رەنجىسىپ قالعان قالعان تۋىستارىن قوناققا شاقىرىپ، وسى تاعامدى ۇسىناتىن بولعان.
الدىن-الا جاس قويدىڭ وكپەسى دايىندالادى. سۇتكە دامدەۋىشتەر مەن تۇز قوسىپ، وڭەش ارقىلى وكپەگە 3-4 ليتر ءسۇت قۇيادى، سودان سوڭ وڭەشتى بايلاپ، ۇزاق ۋاقىت باياۋ وتتا پىسىرەدى. بۇل تاعامدى پىسىرمەس بۇرىن، ءۇيدىڭ يەسى ءبىر-بىرىنە وكپەلى ەكى تۋىستى تاتۋلاستىرۋعا جانە جانجالدى بەيبىت جولمەن شەشۋگە تىرىسادى.
⠀تاعام دايىندالىپ جاتقاندا جانە ونى جەۋ كەزىندە ادامداردىڭ تىكەلەي سويلەسۋىنە، ىشىندەگىسىن ايتۋعا جانە بەيبىت شەشىمگە كەلۋىنە مۇمكىندىگى بولعان. بۇل قانداي دانالىق دەسەڭىزشى، ويتكەنى داستارحان باسىندا ۇرىسۋعا جانە داۋىس كوتەرۋگە بولمايدى، سونداي-اق قوناققا شاقىرعان اقساقالدى قۇرمەتتەپ، ولار تەز ارادا ورتاق ءتىل تابا بىلگەن.
سوندىقتان، ەگەر وتباسىڭىزدا وسىنداي پروبلەما بولسا، وندا تۋىستارىڭىزدى قوناققا شاقىرىپ، وكپەسۇت دايىنداۋىڭىزعا بولادى.