تۇڭعىش پرەزيدەنت كىتاپحاناسى تاراتىلا ما - مينيستر جاۋاپ بەردى

استانا. قازاقپارات – ق ر ادىلەت ءمينيسترى ازامات ەسقارايەۆ نۇرسۇلتان نازاربايەۆتىڭ بۇرىنعى مارتەبەلەرىمەن بايلانىستى كەڭسە، رەزيدەنسيالاردىڭ تاعدىرى قالاي بولاتىنىن ءتۇسىندىردى، دەپ حابارلايدى قازاقپارات ءتىلشىسى.

«ەلباسى كەڭسەسى، ەلباسى كىتاپحاناسى، رەزيدەنسيالارىنىڭ تاعدىرى نە بولادى؟ الماتى وبلىسىنداعى اۋىلىنداعى مۇلىكتەر مەملەكەت مەنشىگىنە قايتارىلا ما؟» دەپ سۇرادى جۋرناليستەر مينيستردەن.

ازامات ەسقارايەۆتىڭ سوزىنە قاراعاندا، پرەزيدەنت تۋرالى زاڭ بويىنشا ەندى نۇرسۇلتان نازاربايەۆقا مەملەكەت تاراپىنان قىزمەتتىك ساياجاي مەن پاتەر عانا تيەسىلى بولۋى مۇمكىن.

«بۇل ماسەلە بۇگىن كۇشىن جويۋعا ۇسىنىلعان زاڭدا كوزدەلگەن. ەلباسى تۋرالى زاڭ كۇشىن جويادى. سوندىقتان، زاڭنامادا كوزدەلگەن تارتىپپەن وسى كەڭسە، تاعى باسقا ماسەلەلەر جان- جاقتى قارالادى. ال رەزيدەنسيالارعا كەلسەك، ەكس- پرەزيدەنتكە مەملەكەتتىك ساياجاي كوزدەلۋى مۇمكىن. سوندىقتان بۇل زاڭناما شەڭبەرىندە شەشىلەدى. سىزدەر ايتىپ تۇرعان ەلباسى كەڭسەسى مەن تۇڭعىش پرەزيدەنت كىتاپحاناسى تۋرالى دا زاڭ تارتىبىمەن ءتيىستى شەشىم شىعارىلادى»، - دەدى ادىلەت ءمينيسترى.

اۆتور

ەسىمجان ناقتىباي