يلحام اليەۆ قاسىم-جومارت توقايەۆتى سايلاۋداعى جەڭىسىمەن قۇتتىقتادى
19:20, 21 - قاراشا 2022
استانا. قازاقپارات - مەملەكەت باسشىسى ازەربايجان پرەزيدەنتى يلحام اليەۆپەن تەلەفون ارقىلى سويلەستى، دەپ حابارلايدى قازاقپارات بورت 1№ تەلەگرام-ارناسىنا سىلتەمە جاساپ.
ازەربايجان رەسپۋبليكاسىنىڭ پرەزيدەنتى يلحام اليەۆ قاسىم-جومارت توقايەۆتى كەزەكتەن تىس پرەزيدەنت سايلاۋىنداعى ايقىن جەڭىسىمەن قۇتتىقتادى.
ءوز كەزەگىندە قاسىم-جومارت توقايەۆ باكۋگە رەسمي ساپارى كەزىندە قول جەتكىزگەن ۋاعدالاستىقتار ەكىجاقتى قارىم-قاتىناستى جان-جاقتى نىعايتۋدا باستى باعدار بولاتىنىن اتاپ ءوتتى.
مەملەكەتتەر باسشىلارى سونداي-اق قازاق-ازەربايجان ستراتەگيالىق سەرىكتەستىگىن ودان ءارى دامىتۋ جونىندەگى بىرلەسكەن مىندەتتەردى تالقىلادى.