سايلاۋشىلار ءوز تاڭداۋىنا جاۋاپكەرشىلىكپەن قاراپ وتىر - ءمادينا نۇرعاليەۆا
«بيىلعى سايلاۋ اياسىندا Exit-poll وتكىزدىك. كەشە ءبىز سايلاۋ ۋچاسكەلەرىنەن شىعا بەرىستە ساۋالناما ءتاسىلىن قولداندىق. زەرتتەۋىمىزدىڭ پارامەترلەرىنە قىسقاشا توقتالاتىن بولساق، ءبىز بارلىق رەسپۋبليكالىق ماڭىزى بار قالالار مەن وبلىستارداعى 600 گە جۋىق سايلاۋ ۋچاسكەسىن قامتىدىق. بۇل جۇمىسقا 620 دان استام ادامدى جۇمىلدىردىق. ساۋالناما 74 قالا مەن 242 اۋىلدا جۇرگىزىلدى. ءبىزدىڭ ادىستەمە بويىنشا 70 مىڭنان استام سايلاۋشىعا سۇراق قويدىق»، - دەدى م. نۇرعاليەۆا.
ونىڭ پايىمىنشا، سايلاۋدا قاسىم-جومارت توقايەۆتىڭ كانديداتۋراسىن قولداۋدىڭ جوعارى كورسەتكىشى حالىق ءوز تاڭداۋىن ءتۇسىنىپ، وسى تاڭداۋعا جاۋاپكەرشىلىكپەن قاراي وتىرىپ، سانالى تۇردە داۋىس بەردى دەگەن قورىتىندى جاساۋعا مۇمكىندىك بەردى.
ساراپشىنىڭ ايتۋىنشا، بيىلعى قىركۇيەك-قازان ايلارىندا ينستيتۋت جۇرگىزگەن الدىن الا زەرتتەۋلەردە ازاماتتاردىڭ الداعى سايلاۋ تۋرالى حاباردار ەكەنىن، وعان قىزىعۋشىلىق تانىتىپ وتىرعانىن كورسەتكەن.
بۇعان دەيىن حابارلانعانداي، «استانا» تەلەارناسىنىڭ تىكەلەي ەفيرىنەن AMANAT پارتياسى جانىنداعى قوعامدىق ساياسات ينستيتۋتى Exit-poll ناتيجەسىن جاريالادى.