ءۇش شەت مەملەكەتتەگى قازاقستاندىقتار كوپ داۋىس بەردى - ايبەك سمادياروۆ

استانا. قازاقپارات - شەت ەلدەردەگى قازاقستان ازاماتتارى پرەزيدەنت سايلاۋىندا بەلسەندىلىك تانىتتى.

بۇل تۋرالى ب ا ق وكىلدەرىنىڭ قاتىسۋىمەن وتكەن بريفينگتە سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.

«سىرتقى ىستەر مينيسترلىگى ق ر پرەزيدەنتتىنىڭ كەزەكتەن تىس سايلاۋىندا قازاقستاننىڭ شەت ەلدەردەگى قازاقستان رەسپۋبليكاسىنىڭ مەكەمەلەرى جانىنداعى سايلاۋ ۋچاسكەلەرىنىڭ قىزمەتىن قامتاماسىز ەتۋ جونىندەگى جۇمىستى اياقتادى. شەتەلدەگى قازاقستاندىقتار اراسىندا جوعارى سايلاۋ بەلسەندىلىگى بايقالدى. 53 مەملەكەتتى ق ر مەكەمەلەرى جانىنان سايلاۋشىلاردىڭ جالپى سانى 12841 ادامنان تۇراتىن 68 ۋچاسكەلىك سايلاۋ كوميسسياسى اشىلعان. شەتەلدەگى بارلىق ۋچاسكەلىك سايلاۋ كوميسسيالارى ءوز جۇمىستارىن اياقتادى. قازاقستان رەسپۋبليكاسىنىڭ 11360 ازاماتى داۋىس بەردى. بۇل سايلاۋشىلاردىڭ �,47 قۇرايدى»، - دەدى ۆەدومستۆونىڭ رەسمي وكىلى.

ونىڭ ايتۋىنشا، شەت مەملەكەتتەردەگى قازاقستاندىقتاردىڭ كوپشىلىگى رەسەيدە داۋىس بەرگەن. وندا 2600 ادام ءوز تاڭداۋىن جاساپتى. سايلاۋشىلار سانى بويىنشا ەكىنشى ورىندا تۇركيا تۇر. بۇل ەلدە 1423 قازاقستان ازاماتى داۋىس بەرگەن. سونىمەن قاتار، 591 قازاقستاندىق وزبەكستان رەسپۋبليكاسى اۋماعىنداعى سايلاۋ ۋچاسكەلەرىندە ءوز تاڭداۋىن جاساعان.