سايلاۋ: ءۇش ۇمىتكەردىڭ قۇجاتتارى مەملەكەتتىك ورگانداردا تەكسەرىلىپ جاتىر

استانا. قازاقپارات - قازاقستان پرەزيدەنتتىگىنە كانديدات ءۇش ادامنىڭ قۇجاتى تەكسەرىلىپ جاتىر. بۇل تۋرالى ەلوردادا وتكەن بريفينگتە ورتالىق سايلاۋ كوميسسياسىنىڭ مۇشەسى شاۆحات وتەمىسوۆ ايتتى، دەپ حابارلايدى قازاقپارات ءتىلشىسى.

قازىرگى كەزدە 7 ادامنىڭ قۇجاتى قابىلداندى. ونىڭ تورتەۋى ق ر پرەزيدەنتىن كەزەكتەن تىس سايلاۋدا كانديدات رەتىندە تالاپتارعا ساي بولىپ شىقتى. ال ءۇش ادامنىڭ قۇجاتتارى ءتيىستى مەملەكەتتىك ورگانداردىڭ قاراۋىنا جىبەرىلگەن.

«تالاپتارعا ساي كەلەتىن كانديداتتاردىڭ اراسىندا مەيرام قاجىكەن، جيگۋلي دايرابايەۆ، نۇرلان اۋەسبايەۆ، قاسىم-جومارت توقايەۆ بار. ال ءۇش ۇمىتكەردىڭ قۇجاتتارى مەملەكەتتىك ورگانداردا. بۇل تۇرعىدا نۇرجان التايەۆتىڭ، قاراقات ابدەننىڭ، تالعات ەرعاليەۆتىڭ قۇجاتتارى قارالىپ جاتىر»، - دەدى شاۆحات وتەمىسوۆ ورتالىق سايلاۋ كوميسسياسىندا وتكەن باسپا ءسوز ءماسليحاتىندا.

بۇدان بۇرىن حابارلانعانداي، بۇگىن نۇرلان اۋەسبايەۆ قازاقستان پرەزيدەنتتىگىنە كانديدات رەتىندە تالاپتارعا ساي بولدى.

7- قازان كۇنى پرەزيدەنتتىككە ۇسىنىلعان نۇرجان التايەۆتىڭ قۇجاتتارى تەكسەرىلىپ جاتقانى ايتىلدى.