پرەزيدەنت سايلاۋى: ۇگىت- ناسيحات جۇرگىزۋ قاشان باستالادى
«ق ر پرەزيدەنتى سايلاۋىنا قاتىسۋعا كانديداتتاردى ۇسىنۋ ەرتەڭ باستالىپ، 11- قازانعا دەيىن جالعاسادى (19 كۇن). سونىمەن قاتار 23- قىركۇيەك پەن 21- قازان ارالىعىندا كانديداتتىڭ كونستيتۋتسيا جانە كونستيتۋتسيالىق زاڭ تالاپتارىنا سايكەستىگىن انىقتاۋ شاراسى ۇيىمداستىرىلادى. سايلاۋ الدىنداعى ۇگىت- ناسيحات جۇرگىزۋ جۇمىسى 21- قازان مەن 18- قاراشا ارالىعىندا وتەدى. ياعني 28 كۇنگە سوزىلادى. ۇگىت جۇرگىزۋ 18- قاراشا كۇنى ساعات 18:00-دە توقتاتىلادى»، - دەدى ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ.
ونىڭ ايتۋىنشا، 19- قاراشا - سايلاۋ الدىنداعى تىنىشتىق كۇنى.
«20 - قاراشا داۋىس بەرۋ كۇنى، ياعني سايلاۋ. 21- قاراشادان 27 - قاراشاعا دەيىن سايلاۋدىڭ الدىن الا قورىتىندىسىن شىعارۋ جۇرگىزىلەدى. 27 - قاراشا ناتيجەلەردى بەلگىلەۋ جانە سايلانعان پرەزيدەنتتى تىركەۋ ىسكە اسادى»، - دەيدى ول.
ايتا كەتەيىك، ەرتەڭنەن باستاپ پرەزيدەنت سايلاۋىنا كانديداتتاردى ۇسىنۋ باستالادى.
سونداي- اق، پرەزيدەنتتىككە ۇمىتكەرلەر 3 ميلليون تەڭگە جارنا تولەيتىنى بەلگىلى بولدى.
اۆتور
داۋلەت ىزتىلەۋ