الماتىدان تالدىقورعانداعى ۇيىنە قايتپاق بولعان ادام جوعالىپ كەتتى
20:11, 20 - شىلدە 2022
تالدىقورعان. قازاقپارات - الماتىدان تالدىقورعانداعى ۇيىنە قايتپاق بولعان ەر ادام جوعالىپ كەتتى.
ول ەكى اپتادان بەرى بايلانىسقا شىقپاعان، دەپ حابارلايدى قازاقپارات ءتىلشىسى.
«ەسىمبەك تۇركىستان ۇلى شىلدەنىڭ 7 ءسى كۇنى الماتى وبلىسىنىڭ قاراساي اۋدانىنداعى رايىمبەك اۋىلىنان شىعىپ، الماتىداعى «سايران» بەكەتىنەن اۆتوبۋسقا وتىرىپ، تالدىقورعانداعى ۇيىنە بارامىن دەپ كەتكەن. ءبىراق، مىنە تۋرا ەكى اپتا بولدى، ەسىمبەكتەن بىردە-ءبىر حابار جوق. ىزدەۋ جۇمىستارى باياۋ ءجۇرىپ جاتىر»، - دەدى جوعالعان ازاماتتىڭ تۋىسى ەركىن بەيسەكەي.
جوعالىپ كەتكەن ەر كىسى - ەسىمبەك تۇركىستان ۇلى 1972-جىلى 19- قاڭتاردا تۋعان.
50 جاستاعى ازامات جايىندا قانداي دا ءبىر اقپاراتتان حابارى بار جاندار مىنا بايلانىس تەلەفوندارىنا حابارلاۋىنا بولادى: 87029586638، 87054557535.