ەۋروپا كەڭەسى قازاقستاندى سىبايلاس جەمقورلىققا قارسى مەملەكەتتەر توبىنا شاقىردى
بۇل تۋرالى سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى ولجاس بەكتەنوۆ ۆەدومستۆونىڭ القا وتىرىسىندا ءمالىم ەتتى، دەپ حابارلايدى قازاقپارات ءتىلشىسى.
«شەتەلگە زاڭسىز شىعارىلعان قاراجات پەن مۇلىكتى ەلگە قايتارۋ ءۇشىن حالىقارالىق ىنتىماقتاستىقتى كۇشەيتۋ كەرەك. تاياۋدا ەۋروپا كەڭەسىنەن قازاقستانعا ەۋروپالىق سىبايلاس جەمقورلىق ءۇشىن قىلمىستىق جاۋاپكەرشىلىك تۋرالى كونۆەنسياعا قوسىلۋ جونىندە رەسمي شاقىرۋ حاتى كەلدى. ەندى كونۆەنسياعا قوسىلۋ ءۇشىن قاجەتتى پروتسەدۋرالاردى قولعا الامىز. بۇل كونۆەنسيا شەتەلدەن كوررۋپسيونەرلەر مەن ۇرلانعان اكتيۆتەردى قايتارۋ جولىنداعى مۇمكىندىكتەرىمىزدى كەڭەيتەدى»، - دەدى انتيكور باسشىسى.
ونىڭ پايىمىنشا، ەۋروپا كەڭەسىنىڭ سىبايلاس جەمقورلىققا قارسى مەملەكەتتەر توبىنىڭ مۇشەسى بولۋ - ەلىمىز ءۇشىن وتە ماڭىزدى قادام.
«گرەكو- نىڭ تولىققاندى قاتىسۋشىسى رەتىندە العاشقى مونيتورينگتىك راۋندتار شەڭبەرىندە بىزگە بەرىلگەن 27 ۇسىنىمىن ورىنداپ جاتىرمىز. ەۋروپا ستاندارتتارىنا ساي بولۋ ءۇشىن ءبىز سوت جۇيەسىنىڭ تولىققاندى تاۋەلسىزدىگىن، ءتيىستى قوعامدىق باقىلاۋدى قامتاماسىز ەتۋگە، دەرەكتەرگە قولجەتىمدىلىكتى كەڭەيتە وتىرىپ، سىبايلاس جەمقورلىققا قارسى ورگاننىڭ مارتەبەسىن كۇشەيتۋگە ءتيىسپىز. بۇل باعىتتاعى جۇمىستار جالعاسىپ جاتىر»، - دەدى اگەنتتىك ءتوراعاسى.