ۇلتتىق قۇرىلتاي قۇرامى قالاي جاساقتالادى
«ۇلتتىق قۇرىلتاي - ەل پرەزيدەنتى جانىنداعى كونسۋلتاتيۆتىك- كەڭەستىك ورگان. سوعان وراي ونىڭ قۇرامىنا قاتىستى ۇسىنىستى مەملەكەت باسشىسىنىڭ اكىمشىلىگى دايىندايدى. جانە دە ۇلتتىق قۇرىلتايدىڭ وتىرىستارىنا تەك ۇلتتىق قۇرىلتاي مۇشەلەرى عانا قاتىسادى. ۇلتتىق قۇرىلتاي جۇمىسى قوعامدىق باستامالار نەگىزىندە جۇزەگە اسىرىلاتىنىن اتاپ وتكەن ءجون. سونىمەن قاتار قۇرىلتاي جۇمىسىنا قاتىسۋشىلاردى اۋىستىرىپ وتىرۋ ءپرينتسيپى قاراستىرىلعان. بۇل الداعى ۋاقىتتا كەزەڭ- كەزەڭىمەن وزگە دە قوعام بەلسەندىلەرىن تارتۋعا مۇمكىندىك بەرەدى»، - دەپ جازدى مەملەكەتتىك كەڭەسشى Telegram پاراقشاسىندا.
سونىمەن قاتار ول ارناۋلى ونلاين- پلاتفورمانىڭ قۇرىلعانىن اتاپ وتەدى.
«قازاقستان ازاماتتارى اتالعان پلاتفورما ارقىلى ۇلتتىق قۇرىلتاي حاتشىلىعىنا ۇسىنىس جىبەرە الادى. وسىلايشا، ۇلتتىق قۇرىلتاي جاڭارعان قازاقستان قۇرۋعا ءوز ۇلەسىن قوسۋعا دايىن ازاماتتاردىڭ جالپى ۇلتتىق بىرىگۋىنىڭ وزەگىنە اينالادى»، - دەدى ەرلان قارين.
بۇعان دەيىن ەرلان قارين ۇلتتىق قۇرىلتايدىڭ نە ءۇشىن قۇرىلعانىن تۇسىندىرگەن ەدى.
اۆتور: مارلان جيەمباي