بۇكىل قازاقستاندىقتاردى ەلىمىزدىڭ بولاشاعىن بىرگە قۇرۋعا شاقىرامىن - ماۋلەن اشىمبايەۆ

نۇر- سۇلتان. قازاقپارات – ق ر پارلامەنتى سەناتىنىڭ ءتوراعاسى ماۋلەن اشىمبايەۆ «حابار» اگەنتتىگى وتكىزىپ جاتقان تەلەكوپىرگە قاتىسىپ، بۇكىل قازاقستاندىقتاردى ەلىمىزدىڭ بولاشاعىن بىرگە قۇرۋعا شاقىردى، دەپ حابارلايدى قازاقپارات ءتىشىسى.

«كونستيتۋتسياعا ۇسىنىلىپ وتىرعان وزگەرتۋلەردى 4 بلوكقا بولۋگە بولادى. ءبىرىنشىسى - قازاقستاندا ادام قۇقىقتارىن قورعاۋ مەحانيزمدەرىن جەتىلدىرۋدى قامتيدى. بۇل باعىتتا كونستيتۋتسيالىق سوت قۇرۋ، ادام قۇقىقتارىن قورعاۋ جونىندەگى ۋاكىلدىڭ مارتەبەسى مەن تاۋەلسىزدىگىن نىعايتۋ جانە باسقا دا نورمالار جۇىس ىستەيدى. ەكىنشىسى - بيلىكتىڭ وكىلدىك ورگاندارىنىڭ، اتاپ ايتساق، پارلامەنت پەن ءماسليحاتتاردىڭ ورتالىقتاعى جانە جەر- جەردەگى جۇمىسىن ءتيىمدى ەتە تۇسۋگە باعىتتالادى. سونداي- اق، دەپۋتتاردىڭ حالىق الدىنداعى، ەل ازاماتتارى الدىنداعى جاۋاپكەرشىلىگىن جوعارىلاتۋ كوزدەلىپ وتىر»، - دەدى سەنات سپيكەرى.

ونىڭ ايتۋىنشا، تۇزەتۋلەردىڭ ءۇشىنشى بولىگى جەرگىلىكتى بيلىك ورگاندارىنىڭ ءوز بەتىمەن جۇمىس ىستەۋ قابىلەتىن نىعايتۋعا باعىتتالادى.

«اكىمدەر حالىقتىڭ الەۋمەتتىك باقۋاتىن ارتتىرۋعا باعىتتالعان شارالاردى ىسكە اسىرۋى كەرەك. ءتورتىنشىسى - بيلىكتى مونوپولياسىزداندىرۋ، قازاقستانداعى ساياسي باسەكەلەستىكتى ارتتىرۋ. ساياسي پارتيالار ءوزارا باسەكەدە بولۋى كەرەك. پرەزيدەنت لاۋازىمىنداعى ادام قانداي دا ءبىر پارتيانىڭ مۇشەسى بولا المايدى. ۇسىنىلىپ وتىرعان تۇزەتۋدە بۇل ماسەلە ايقىن جازىلعان»، - دەدى ماۋلەن اشىمبايەۆ.

ايتا كەتەيىك، بۇگىن پرەزيدەنت قاسىم- جومارت توقايەۆ 5-ماۋسىم كۇنى وتەتىن رەفەرەندۋمعا بايلانىستى قازاقستان حالقىنا بەينەۇندەۋ جولدادى .