توقايەۆ ساياسي قۋعىن-سۇرگىن جانە اشارشىلىق قۇرباندارىنىڭ رۋحىنا تاعزىم ەتتى
10:15, 31 - مامىر 2022
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ ساياسي قۋعىن-سۇرگىن جانە اشارشىلىق قۇرباندارىنىڭ رۋحىنا تاعزىم ەتتى، دەپ حابارلايدى اقوردا.
قاسىم-جومارت توقايەۆ ەلورداداعى «1932-1933 -جىلدارداعى اشارشىلىق قۇرباندارىنا تاعزىم» مونۋمەنتىنە گۇل شوعىن قويۋ راسىمىنە قاتىستى. پرەزيدەنت ەسكەرتكىشكە گۇل شوعىن قويىپ، ساياسي قۋعىن-سۇرگىن جانە اشارشىلىق كەزىندە قۇربان بولعانداردىڭ رۋحىنا تاعزىم ەتتى. وسى ءىس-شاراعا ناۋبەت جىلدارى زارداپ شەككەن وتانداستارىمىزدىڭ جاقىندارى مەن تۋىستارى قاتىستى.